កាន់តែចាស់ មិនមែនចាំបាច់ កាន់តែឆ្លាតទេ

ដោយ Khmer HD

ដកស្រង់ចេញពី Rule of Life 

កាន់តែចាស់ មិនមែនចាំបាច់ កាន់តែឆ្លាតទេ

You will get older but not necessarily wiser

មានការសន្និដ្ឋានមួយ តែងលើកឡើងថា “កាន់តែចាស់ កាន់តែឆ្លាត” តែខ្ញុំខ្លាចថា ក្រែងវាមិនពិត។ បើទោះបីជាយើងប្រឹង អនុវត្តន៏វិធាននោះយ៉ាងណាក៏ដោយ ក៏យើងនៅតែមានកំហុស ផ្សេងៗ រាប់មិនអស់ ។ យើងរៀនសូត្រពីបទពិសោធន៏ និង កុំធ្វើកំហុសដដែលៗនោះម្តងទៀត ប៉ុន្តែ នៅតែមានកំហុសជាច្រើនកំពុង រងចាំយើង។ រឿងដែលសំខាន់នោះ គឺ ទទួលស្គាល់កំហុស កុំខឹងដាក់ទណ្ឌកម្មខ្លួនឯង ពេលដែលយើងធ្វើកំហុសមួយផ្សេងទៀត  ។ វិធានត្រង់នេះមានន័យថា “អនុគ្រោះអោយខ្លួនឯងពេលដែលមានកំហុស” ។

ព្រៃ កោងកាង ខេត្តកោះកុង 

បើយើងមើលទៅក្រោយ យើងតែងមើលឃើញកំហុស ដែលយើងបានធ្វើ ។ ឆ្លាត មិនមែនមានន័យថា មិនចេះខុសនោះទេ ប៉ុន្តែបានសេចក្តីថា រៀន គេចចេញដោយ សេចក្តីថ្លៃថ្នូរ និង សតិស្មារតី ពេញបរិបូរណ៏។

គ្មាននណាម្នាក់អាចគេចផុត វ័យចាស់ជរា ទេ យើងមានជំរើសតែ១គត់ គឺទទួលស្គាល់នឹងរស់នៅជាមួយ វ័យ រួមទាំងលក្ខណៈសម្បត្តិ លទ្ធភាពរបស់យើងនៅពេលនោះ។ ពេលដែលយើងកាន់តែចាស់ ពេលនោះ យើងមានអារម្មណ៏ថា ពេលវេលាទៅមុខកាន់តែលឿន។

ត្រូវគិតថា កាលណាអ្នកកាន់តែចាស់ ចូលរួមពាក់ព័ន្ធផ្នែកផ្សេង” កាន់តែច្រើន ឪកាសធ្វើកំហុសក៏ច្រើន ដែរ។ ពិសោធន៏ថ្មីៗតែងតែមាន ជាពិសេស កន្លែងដែលយើងគ្មានការណែនាំ អោយធ្វើកិច្ចការអ្វីមួយ។ “ដូចពាក្យថា ធ្វើច្រើនខុសច្រើន”។

វិធាន នៃ ជីវិត

វិធាន នៃ ជីវិត

មាតិការ 

I. វិធាន សំរាប់អ្នក អនុវត្តន៏ផ្ទាល់

ធ្វើជាមនុស្សអាក្រក់ មិនពិបាកទេ ប៉ុន្តែ ធ្វើជាមនុស្សទេ ដែលពិបាកនោះ។ បរាជ័យ អាចត្រូវការកំហុសតែមួយ ប៉ុន្តែ ជោគជ័យ វិញ ត្រូវការគ្រឿងផ្សំច្រើនណាស់ ។ Link ខាងលើ មានវិធានរហូតដល់ ៥៧ សំរាប់អ្នកអានពិចារណាទុកជា គតិ ។  

II. វិធាន របស់អ្នក សំរាប់គ្រួសារ និង មិត្ត

III. វិធាន របស់អ្នក សំរាប់សង្គម

IIII. វិធាន នៃ សុភមង្គល

ទំព័រនេះ ឋិតក្រោមការស្ថាបនា

This post is under construction

វិធាន សំរាប់អ្នក អនុវត្តន៏ផ្ទាល់ (វិធាន នៃ ជីវិត)

វិធាន នៃ ជីវិត

I. វិធាន សំរាប់អ្នក អនុវត្តន៏ផ្ទាល់

1. កុំ បង្ហាញ អ្នកដ៏ទៃ 
2. កាន់តែចាស់ មិនចាំបាច់ ត្រូវតែ កាន់តែឆ្លាតទេ
3. ទទួលស្គាល់ អ្វី ដែលកន្លងហួស
4. ទទួលស្គាល់ខ្លួនឯង 
5. ដឹងថា អ្វី ដែលត្រូវរាប់ និង អ្វី ដែលមិនត្រូវរាប់ 
6. ឧទ្ទិស ជីវិតរបស់អ្នក សំរាប់អ្វីមួយ 
7. ត្រូវមានភាព បត់បែនក្នុងការគិត 
8. ទាញយកផលប្រយោជន៏ ពី ពិភពលោក ខាងក្រៅ 
9. នៅខាងសភាវល្អ កុំនៅខាងសភាវអាក្រក់ 
10. មានតែត្រីងាប់ ដែលហូរតាមទឹក 
11. អត់ធន់ អោយដល់កំរិត មុននឹងតំឡើងសំលេង
12. ជាអ្នកប្រឹក្សាយោបល់អោយខ្លួនឯង
13. កុំខ្លាច កុំភ្ញាក់ផ្អើល កុំអល់អែក កុំសង្ស័យ
14. ធ្វើអោយបាន នូវបំណងប្រថ្នាដែលអ្នកខកខាន មិនបានបំពេញ 
15. មិនអីទេ ! បោះបង់ចោលចុះ 
16. រាប់ ដល់ ១០ 
17. ប្តូរ តែអ្វី ដែលអ្នកអាចប្តូរបាន លើពីនេះទុកវាចោលចុះ 
18. សំដៅធ្វើអោយល្អបំផុត លើអ្វីៗគ្រប់យ៉ាងដែលអ្នកធ្វើ កុំនៅលេខរៀងទី២
19. កុំរំពឹង ភាពឥតខ្ចោះ
20. កុំខ្លាច នឹង សុបិន្ត
21. បើសិន អ្នកនឹងលោតពីលើស្ពាន អ្នកត្រូវតែដឹងថា ទឹកនោះជំរៅប៉ុណ្ណា?
22. កុំ អំនួត នឹង អតីតកាល
23. កុំ រស់នៅ ក្នុង អនាគត
24. រស់ក្នុងបច្ចុប្បន្ន
25. នៅ ជាធរមាន 
26. ស្លៀកពាក់ អោយដូចជាថ្ងៃនេះ ជាថ្ងៃពិសេស 
27. ត្រូវមាន ប្រព័ន្ធ ជឿជាក់ 
28. អោយពេលទៅខ្លួនឯងជាប្រចាំថ្ងៃ 
29. មានគំរោង 
30. ចេះលេងសើច 
31. រៀបចំគ្រែដេក តាមតែអ្នកចង់បាន 
32. ជីវិត ពេលខ្លះ អាចដូចជាការផ្សាយពាណិជ្ជកម្ម 
33. ត្រូវ ស៊ំាង នឹង ការសាកល្បងដើរចេញពីភាពស្រណុក
34. រៀនសួរសំនួរ
35. មាន សេចក្តីថ្លៃថ្នូរ
36. មានអារម្មណ៏ កំសត់ ជារឿងធម្មតា 
37. រក្សា ទំនុកចិត្ត 
38. អ្នក នឹង មិនសុទ្ធតែយល់អ្វីៗគ្រប់យ៉ាងនោះទេ 
39. ត្រូវដឹងថា សេចក្តីរីករាយដល់ពិតប្រាកដកើតមកពីណា 
40. ជីវិត ជា នុំ Pizza
41. ត្រូវមាននណាម្នាក់ ឬ អ្វីមួយ ដែលតែងតែ រីករាយ នឹង ចង់ជួបអ្នក 
42. ត្រូវដឹងថា ពេលណាត្រូវអនុគ្រោះ ពេលណាត្រូវដើរចេញ 
43. ជំលោះ នាំមកនូវ ភាពតានតឹង 
44. ថែរក្សាខ្លួនឯង 
45. រក្សាសុជីវធ៌ម លើគ្រប់អ្វីៗ 
46. ឧស្សាហ៏ត្រួតពិនិត្យមើល ចំណុច មិនល្អ ហើយ ជំរុះ វាចោល 
47. ត្រូវចាំ មូលដ្ឋាន របស់អ្នក ថា អ្នកមកពីណា 
48. គូរបន្ទាត់ជំវិញខ្លួនអ្នក 
49. ទិញទំនិញ មានគុណភាព មិនមែនផ្អែកលើតំលៃ 
50. បារម្ភចុះ ! មិនអីទេ 
51. រក្សាភាពក្មេង 
52. បាច លុយ ដាក់បញ្ហា មិនមែនសុទ្ធតែអាចដោះស្រាយបានទេ 
53. គិត ពី ខ្លួនឯង
54. អ្នកមិនមាន ភារកិច្ចទទួលខុសត្រូវ 
55. គួរមានអ្វីមួយក្នុងជីវិតយើង ដែលអាច នាំអ្នកចេញពីជីវភាពប្រចាំថ្ងៃ ម្តងម្កាល 
56. មានតែមនុស្សល្អទេ ដែលចេញមានអារម្មណ៏ ថា ខ្លួនមានកំហុស 
57. បើអ្នកមិនអាចនិយាយពាក្យល្អទេ សូមកុំនិយាយតែម្តង 

ទំព័រនេះនៅក្រោមការស្ថាបនា

This post is under construction 

កុំ បង្ហាញ អ្នកដ៏ទៃ

ដោយ Khmer HD
ដកស្រង់ចេញពី Rule of Life

កុំ បង្ហាញ អ្នកដ៏ទៃ

KEEP IT UNDER YOUR HAT 

អ្នកជិតក្លាយជាអ្នកអនុវត្តន៏ច្បាប់ អ្នកជិតចេញដំណើរផ្សងព្រេង ផ្លាស់ប្តូរជីវិតមួយនេះ ហើយវាអាចទៅរួច បើសិនជាអ្នកជ្រើសរើសធ្វើបេសកម្មរបស់អ្នក។ អ្នកអាចរកឃើញនូវមធ្យោបាយ ក្លាយជាមនុស្សម្នាក់ដែល គិតវិជ្ជមាន សប្បាយរីករាយជាងមុន និង ជោគជ័យលើគ្រប់អ្វីៗដែលអ្នកធ្វើ។ ដូច្នេះ អ្នកមិនចាំបាច់និយាយប្រាប់ នណាម្នាក់អំពីរឿងនេះទេ។ រក្សាភាពស្ងៀមស្ងាត់ ។ មិនមាននណាចូលចិត្តមនុស្សឆ្លាតទេ (no one liks a smart arse)។ នេះជាច្បាប់ទី១ "កុំបង្ហាញ"។ 

ក្រុងព្រះសីហនុ ដំណើរទៅកាន់ កោះរ៉ុង

អាចមានពេលវេលាខ្លះអ្នកចង់និយាយ ប្រាប់មនុស្សដទៃអំពីអ្វីដែលអ្នកកំពុងធ្វើ ពីព្រោះថា ជួនកាលស្ងាត់ៗ អ្នកអាចចង់ចែករំលែក កិច្ចការ ឬ ពិសោធន៏នេះ ជាមួយនឹងមនុស្សផ្សេងទៀត។ ប៉ុន្តែ យកល្អ កុំប្រាប់គេអោយដឹង ហើយ ទុកអោយគេរកឃើញដោយខ្លួនឯងចុះ ។ អ្នកប្រហែលជាគិតថា វាមិនមែនជារឿងត្រឹមត្រូវ ប៉ុន្តែ ការពិតទៅ វាត្រឹមត្រូវជាអ្វីដែលអ្នកជឿទៅទៀត។ បើសិនជាអ្នកប្រាប់ពួកគេ នោះពួកគេនឹង អៀន ឬ មិនចង់បន្តមានទំនាក់ទំនងជាមួយអ្នក។ 

វាអញ្ចឹងមែន យើងគ្រប់គ្នាមិនចង់អោយអ្នកណា មកប្រដៅទូន្មាននោះទេ។ ឧទាហរណ៏ថា អ្នកឈប់ជក់បារី ហើយអ្នករកឃើញនូវ របៀបរស់នៅប្រកបដោយសុខមាលភាព។ ហើយជាធម្មតា អ្នកក៏ចង់ផ្លាស់ប្តូរ មិត្តភ័ក្រ របស់អ្នក អោយឈប់ជក់បារីដែរ។ បញ្ហានៅត្រង់ថា ពួកគេនៅមិនទាន់ត្រៀមខ្លួន ឈប់ជក់ ទាល់តែសោះ ពេលហ្នឹង អ្នកឃើញថា មិត្តភក្រទាំងនោះ មើលទៅ អ្នកថា "មោទនភាពជ្រុល ឬ អស្ចារ្យ  អាចអាក្រក់ជាងនេះទៅទៀត"។ ហើយ យើងគ្រប់គ្នាពិតជាមិនចង់បានដូច្នេះទេ។  

ដូច្នេះ វិធានទី១ គឺ រក្សាភាពស្ងៀមស្ងាត់ធម្មតា កុំប្រដៅ កុំឃោសនា កុំព្យាយាមផ្លាស់ប្តូរនណាម្នាក់ កុំសូម្បីតែនិយាយអំពីអ្វី ដែលអ្នកធ្វើ ។ 

អ្នក នឹងទទួលបានភាពកក់ក្តៅ ពីការផ្លាស់ប្តូរ ឥរិយាបថរបស់អ្នកចំពោះជីវិត ហើយ នឹងមានមនុស្សសួរនាំអ្នក អំពីអ្វីដែលអ្នកបានធ្វើ និង កំពុងធ្វើ ពេលហ្នឹងអ្នកអាចនិយាយថា "ប៉ុណ្ណឹង មានស្អីប្លែក"។ អ្នកមិនចាំបាច់ ឆ្លើយក្បោះក្បាយច្រើនទេ ព្រោះថាការពន្យល់នោះ មិនមែនជាអ្វីដែលគេចង់ដឹង។ ការពិត គឺ ផ្ទុយទៅវិញ ទេ។ វាមិនខុសអីពី គេសួរអ្នកថា "សុខសប្បាយទេ?" អ្វីដែលគេចង់ដឹងគឺពាក្យខ្លី ១ មាត់ "សុខធម្មតា"។ បើទោះបីជាអ្នក មើលទៅដូចពិបាកចិត្តក៏ដោយ ។ ហើយបើសិន អ្នក មិនឆ្លើយថា "សុខធម្មតា" បែរជាបញ្ចេញ ទុក្ខព្រួយ ពួកគេនឹងដកខ្លួនចេញយ៉ាងប្រញាប់។