បោះពុម្ភលើកទី២ ដោយលោក ស៊ាន ម៉ាសាវ៉ាង
អគ្គលេខាធិការ គណៈកម្មាធិការព្រំដែនកម្ពុជា
ទំព័រ ៣៨
ភាគីរបស់សន្និបាតក្រុង ហ្សឺណែវ ឆ្នាំ ១៩៥៤ ស្តីអំពី ឥណ្ឌូចិន នៅត្រង់ចំណុច ១២ នៃសេចក្តីថ្លែងការណ៏ បានសន្យាថា និងគោរពច្បាប់ និង បូរណភាពទឹកដីខ្មែរ ហើយនឹងមិនចូលជ្រៀតជ្រែកនៅក្នុងកិច្ចការផ្ទៃក្នុង របស់ប្រទេសនេះ។ ក៏ប៉ុន្តែនៅជាមួយការឈ្លានពាននៅ ប្រទេសវៀតណាម មានការធ្វើអន្តរាគម តាមកំលាំងយោធា នៅប្រទេសឡាវ ចក្រព័តអាមេរិកាំង ជាមួយនឹងរដ្ឋាភិបាលព្រៃនគរ និងរដ្ឋាភិបាលបាងកក បានរន្ថើនការគំរាមកំហែង មកលើឯករាជភាព និងអធិបតេយ្យភាព និង បូរណភាពទឹកដី ព្រះរាជាណាចក្រកម្ពុជា និង ឃុបឃិតគ្នាសំរាប់សើរើព្រំដែនសព្វថ្ងៃ។ ជាការជាក់ស្តែងដែលវាជាន់ឈ្លី កិច្ចព្រមព្រៀងហ្សឺណែវ ឆ្នាំ ១៩៥៤ ស្តីអំពីឥណ្ឌូចិន និង នៅភូមិភាគនេះនៃពិភពលោក។
នៅក្រោមការដឹកនាំដ៏ភ្លឺស្វាងរបស់ព្រះប្រមុខរដ្ឋ សម្តេច នរោត្តម សីហនុ ប្រជាពលរដ្ឋខ្មែរធ្វើការតស៊ូប្រឆាំងនឹង ការដឹកនាំ និងការធ្វើវិភង្សិណា របស់ចក្រព័តអាមេរិកាំង ដើម្បីការពារប្រយោជន៏ ជាទីសក្ការៈ។
ប្រជាពលរដ្ឋ វៀតណាម មានឆន្ទៈគាំទ្រការតស៊ូ របស់ប្រជាជនខ្មែរដ៏ត្រឹមត្រូវនេះជានិច្ច។
នៅក្នុងការតស៊ូប្រឆាំងជាមួយសត្រូវរួមនេះ ចក្រព័តអាមេរិក និង អ្នកឈ្លានពានអាមេរិកាំង មិត្តភាពយ៉ាងស្និតស្នាល សាមគ្គីភាព រវាងប្រជាពលរដ្ឋវៀតណាម និងប្រជាពលរដ្ឋខ្មែរបងប្អូន បានពង្រឹង និង ពង្រីកខ្លាំងឡើងៗ ជារៀងរាល់ ថ្ងៃ។
ចេញពីនយោបាយដែលត្រូវធ្វើជាមួយ ព្រះរាជាណាចក្រកម្ពុជា ដែលត្រូវតែគោរព ឯករាជ្យភាព អធិបតេយ្យភាព អព្យាក្រឹតភាព និង បូរណភាពទឹកដីប្រទេសនេះ រដ្ឋាភិបាលសាធារណៈរដ្ឋប្រជាធិបតេយ្យវៀតណាម សូមប្រកាសជា ឪឡារិកថា៖
- រដ្ឋាភិបាលនៃសាធារណរដ្ឋ ប្រជាធិបតេយ្យវៀតណាម ទទួលស្គាល់ និងសន្យាថា គោរព ឯករាជ្យភាព អធិបតេយ្យភាព អព្យាក្រឹតភាព និង បូរណភាពទឹកដីនៃព្រះរាជាណាចក្រកម្ពុជា នៅក្នុងដែនសព្វថ្ងៃនេះ ។
- រដ្ឋាភិបាលនៃសាធារណរដ្ឋ ប្រជាធិបតេយ្យវៀតណាម ព្រមតាមសេចក្តីប្រកាសថ្ងៃទិ ៣១ ឧសភា របស់ គណកម្មាធិការកណ្តាល របស់រណសិរ្សជាតិ ដើម្បីរំដោះ វៀតណាមខាងត្បូង ដែលទទួលស្គាល់ព្រំដែនសព្វថ្ងៃ រវាង វៀតណាមខាងត្បូង និង ប្រទេសកម្ពុជា ។
