ទស្សនៈពលរដ្ឋ ចំពោះ កំណែទំរង់ការដឹកនាំនៅឃុំសង្កាត់

By Khmer HD

Personal Blog

ដកស្រង់ពីទស្សនៈ លោក Pen Sangha 

ទស្សនៈខ្ញុំអំពីការអភិវឌ្ឍន៏ ឃុំ-សង្កាត់

ជាដំបូងខ្ញុំយល់ឃើញថា ព្រះរាជាណាចក្រកម្ពុជា ដែលបច្ចុប្បន្នមាន ១៦៤៦ ឃុំ-សង្កាត់ គួរបន្ថយមកនៅត្រឹម​១,២៣៤ឃុំ-សង្កាត់ និយាយដូច្នេះមិនមែនមានន័យថាធ្វើឲ្យបាត់បងទឹកដីទេ គឺព្រំដែនត្រូវការពារឲ្យបានគង់វង្ស។ការបន្ថយចំនួនឃុំ-សង្កាត់ គឺដើម្បីពង្រីក វិសាលភាពរបស់ឃុំនីមួយៗ សំដៅបង្កើនប្រសិទ្ធិភាពការងារ និងកាត់បន្ថយការចំណាយរដ្នបាល ។

ក្រៅពីការបោះឆ្នោតជ្រើសរើស មេឃុំ ចៅសង្កាត់ និង ក្រុមប្រឹក្សាឃុំសង្កាត់ រដ្ឋត្រូវមានកាតព្វកិច្ចជ្រើសរើសមន្រ្តីរាជការសាធារណៈ ដើម្បីបំរើការនៅតាមឃុំសង្កាត់ទាំងអស៉ មិនត្រឹមតែស្មៀនឃុំម្នាក់នោះទេ ។​ ក្នុងស្ថានភាពបច្ចុប្បន្ននេះ ដែលនិស្សិតបញ្ចប់បរិញ្ញាប័ត្រទាំងពីសាលារដ្ន និងសាលាឯកជន ជាច្រើនពាន់ម៉ឺននាក់រៀងរាល់ឆ្នាំ វាមិនមែនជាការឧបសគ្គឡើយ ក្នុងជ្រើសរើសពួកគាត់ទៅធ្វើការនៅតាមសាលាឃុំសង្កាត់។ 

ឃុំសង្កាត់នីមួយៗ ត្រូវមានមន្រ្តីរាជាការយ៉ាងតិចណាស់ ២០រូប ទៅតាមជំនាញដែលត្រូវការ ហើយជំនាញដែលសំខាន់បំផុតនោះគឺ រដ្ឋបាលសាធារណៈ (ហិរញ្ញវត្ថុសាធាណៈ) អភិវឌ្ឍសេដ្នកិច្ច និងកសិកម្មជាដើម ព្រមទាំងផ្តល់ប្រាក់បៀវត្សយ៉ាងតិច ១,២០០,០០០រៀល ដល់ពួកគាត់។

ក្រៅពីនេះ រដ្ឋត្រូវបន្ថែមចំនួននគរបាលជាតិ (Police)​ ក្នុងមួយឃុំសង្កាត់យ៉ាងតិចឲ្យទៅដល់ ២០រូបដែរ ដើម្បីដោះស្រាយបញ្ហាគ្រឿងញៀន និងសន្តិសុខសុវត្ថិភាពភូមិឃុំជាដើម ។ និស្សិតដែលបញ្ចប់ការសិក្សាផ្នែកច្បាប់ គួរលើកទឹកចិត្តពួកគាត់ឲ្យចូលបំរើការជានគរបាលជាតិ និងធ្វើការតាមឃុំសង្កាត់ជាដើម។

ក្នុងន័យនេះ ឃុំ-សង្កាត់ត្រូវមានកញ្ចប់ថវិកាគ្រប់គ្រាន់ដើម្បីដំណើរការ និងអនុវត្តគម្រោងអភិវឌ្ឍមូលដ្នានរបស់ខ្លូួន។

បន្ថែមពីលើចំណុចខាងដើម សម្ភារៈឧបករណ៏ បរិក្ខា ត្រូវតែបំពាក់ជូនឃុំសង្កាត់ ព្រមទាំងយានជំនិះផងដែរ។ ទោះជាយ៉ាងណាក៏ដោយ ថ្នាក់ជាតិ ត្រូវមានតួនាទីជួយមេដឹកនាំថ្នាក់ឃុំ ដើម្បីឲ្យការងារទទួលបានជោគជ័យ។​

ទស្សនពលរដ្ឋ ចំពោះ ខឹម វាសនា ហៅ អាគុកPJ ពោពេញដោយអញ និង បំបែកបំបាក់

By Khmer HD 

Personal Blog

ដកស្រង់ចេញពី Facebook Page ប្រជាពលរដ្ឋ-Citizen

Page ប្រជាពលរដ្ឋ-Citizen

ដំបូងឡើយខ្ញុំជឿតាមមិត្តភ័ក្តិ!

មិត្តភ័ក្តិខ្ញុំប្រាប់ថា ស្តាប់គាត់សិនទៅ យូរគង់តែយល់ពីបេះដូងគាត់ ចំពោះ សង្គម នាំទៅរកសង្គមមួយរីកចម្រើន ស្អាតស្អំ។​

ទោះជាខ្ញុំមិនសូវចូលចិត្ត ការប្រើពាក្យជេរ ប្រមាថ អសុរោះ យ៉ាងណា ក៏ព្យាយាមស្តាប់ព្រោះ ដើម្បីចង់បានប្រព័ន្ធដឹកនាំ​ មួយដែលប្រសើរជាងបច្ចុប្បន្ន រហូតដល់ធ្លាប់បានចូលលុយជាមួយបក្សនេះខ្លះដែរ។

តែដល់ពេលតាមដានយូរៗទៅ ហាក់ដូចជា ភ័យគឺថា គំនិតនេះ កំពុងធ្វើឲ្យជាតិកើតមានវិនាសកម្មទៀតហើយ។ 

មូលហេតុដែលយល់ថា នាំមកវិនាសកម្មគឺ៖

១ គាត់បណ្តុះឲ្យមនុស្សបែកបាក់សង្គម ឲ្យមនុស្សស្អប់គ្នា គឺ គាត់ថា អ្នកដែលមិនយល់ពីគាត់សុទ្ធតែមនុស្សល្ងង់ ឈ្លើងសង្គម សុទ្ធតែឈាមឆ្កែ។ ការពិតមនុស្សសុទ្ធតែមានគំនិតទស្សនៈផ្សេងគ្នា​ បើប្រើគំនិតដូចគាត់ចឹង ពេលក្រុមគាត់រីករាលដាលឡើងធំទៅ ហើយក្រុមផ្សេងទៀតធំដែរ ជៀសមិនរួចពីហិង្សា ឬ សង្គ្រាមទេ។​

២ គាត់មិនឲ្យតម្លៃការងារអ្នកផ្សេងក្រៅពីគាត់ទេ គាត់និយាយថា ពលរដ្ឋមានទុក្ខទៅពឹង ក្សត្រមិនបាន ពឹងរដ្ឋាភិបាល ពឹងសង្គមស៊ីវិល ពឹងអ្នកសារព័ត៌មានមិនបាន គឺអ្នកទាំងនោះសុទ្ធតែជាអ្នកមិនមានសមត្ថភាព និងគិតប្រយោជន៍ផ្ទាល់ខ្លួន។ ការពិតដើម្បីឲ្យសង្គមមួយទៅមុខត្រូវការមនុស្សចម្រុះគ្នា ជួយគ្នាតាម ជំនាញរឿងៗខ្លួន។

៣​ គាត់ជា មនុស្សប្រមាថ ជេរប្រមាថ ព្រះសង្ឃ ថា អាតាងោ អាចោរថង់យាមជា ដើម។ ជាការពិត ព្រះសង្ឃមានកំហុស សម័យណា ក៏មានកំហុសដែរ។ សម័យព្រះពុទ្ធកាលព្រះពុទ្ធ មិនទាន់ចូលនិព្វាន ក៏មានសង្ឃជាច្រើន បានប្រព្រឹត្តកំហុស ប៉ុន្តែវិធីសាស្ត្រដោះស្រាយមិនមែនជេរ ប្រមាថដូចគាត់ទេ។​

៤ គាត់ជាមនុស្សធ្វើឲ្យមានការរើសអើងបក្ស ខុសពីបក្សគាត់សុទ្ធតែអាក្រក់ទាំងអស់។ ដូចជា សម្តីគាត់ប្រមាថ ដៀមដាមហៅ បក្សប្រជាជនថា អាស៊ីភី ភ័យ បក្សសង្គ្រោះជាតិ អាបក្សសង្គ្រោះបន្ទាន់។ ឥរិយាបថនៃការហៅរបស់គាត់ពោរពេញទៅដោយហិង្សា។​​ យើងប្រើទស្សនៈយើង មិនមែនអ្នកទស្សនៈផ្សេង ត្រូវយកទៅសម្លាប់ទាំងអស់នោះទេ។​

៥​ គាត់ថា បក្សគាត់ប្រើអ្នកឈាម ថ្មីទាំងអស់ បញ្ញវន្ត គរជើងសុទ្ធតែគិតប្រយោជន៍បុគ្គល។ គាត់ថា យុវជនបក្សគាត់ ណែនាំខ្លះៗទៅ យល់ការងារ អាចធ្វើការងារទាំងនេះកើតហើយ។ ចំណុចនេះចូលដូចខ្មែរក្រហមហើយ គេហៅថា ទស្សនៈជ្រុលនិយមបង្កគ្រោះថ្នាក់ដល់ជាតិ សម្លាប់ពេទ្យ គ្រូបង្រៀន បញ្ញវន្តផ្សេងអស់ យកក្មេងទៅពន្យល់តិចតួច ចាក់ថ្នាំឲ្យអ្នកជំងឺស្លាប់រាប់មិនអស់។​​

៦ គាត់ថា បំបែកអំណាចប្រមូលផ្តុំ ប៉ុន្តែក្នុងបក្ស គឺ គាត់ហូសពីបុគ្គលនិយមទៅទៀត គឺជា បុគ្គលអាទិទេព។ ពេលគាត់ឡើងយន្តទៅក្រៅប្រទេស ហែហមម្តង ក្បួនរថយន្ត មុខក្រោយ ចុះទម្រាំគាត់ជា នាយករដ្ឋមន្ត្រីទៀត នឹងទៅជាយ៉ាងណា? ចំណុចណាថា មិនបង្កើតកម្លាំងអង្គរក្សផ្ទាល់ខ្លួននាយករដ្ឋមន្ត្រីនោះ? យុវជនខ្លះយល់ថា ម៉ែឪ មិនមានគុណទេ បែរដឹងគុណលោក ខឹម វាសនាទៅវិញ។​ 

៧ គាត់មិនយកយោបល់អ្នកដទៃទេ ។ ពេលគេផ្តល់យោបល់គាត់និយាយតាមវិទ្យុថា ឲ្យរន្ធគូថ គាត់ស្តាប់ ឬ ថា បើមិនយល់ទេ មិនបាច់និយាយរឿងនយោបាយជាមួយគាត់ទេ។​ អនុប្រធានគាត់ លោក អ៊ិត សារម្យ អគ្គលេខាធិការបក្ស លោក ឱក វ៉េត និង សមាជិកបក្សមួយចំនួនទៀត រិះគន់គាត់ ត្រូវដេញចេញទាំងអស់។​ នេះ ប្រជាធិបតេយ្យ ឬ ផ្តាច់ការ? បើគាត់ជាប់ ជាមេដឹកនាំ ប្រហែល វាយដំ ឬ សម្លាប់អ្នករិះគន់ខ្លាំងជាង បក្សប្រជាជន រាប់រយដង។​

៨ គាត់ថា បក្សគាត់ បោះឲ្យដោយរាស្ត្រ និង ទម្លាក់ដោយរាស្ត្រ ។ ទម្លាក់យ៉ាងម៉េច បើអ្នកដែលយល់ខុសគាត់ គឺគាត់ជេរ សុទ្ធតែ អាក្បាលដែកគោល អាល្ងង់ដដែរហ្នឹង ចឹងពេលទៅប្រាប់គាត់ថា បងធ្វើខុសហើយខ្ញុំចង់ឲ្យបងចុះចេញពីតំណែងវិញ គាត់ច្បាស់ជាជេរប្រទិចដដែលថា យើងល្ងង់មិនយល់ពីសកម្មភាពគាត់ទៀត ហើយ។ 

ខ្ញុំមិនយល់ថា គាត់ជា មនុស្សយកលុយពីបក្សប្រជាជនធ្វើនយោបាយ​ បំបែកបក្សប្រឆាំង ឬ គាត់មានចេតនា បំផ្លាញជាតិទេគឺគាត់ស្រលាញ់ជាតិ ប៉ុន្តែគាត់ជ្រុលនិយម ធ្វើឲ្យជាតិគ្រោះថ្នាក់ដោយអចេតនា ដូចលោក ប៉ុល ពតចឹង។ ​

ខឹម វាសនា ទទួលស្គាល់ ពួកក្បាលដែកគោល ថា ភ្លើ

ដោយ KHMER HD 
Personal Blog 

ពាក្យ "ពួកអាក្បាលដែកគោល" ត្រូវបានបង្កើតឡើងដោយលោក អុិត សារម្យ (អតីតអនុប្រធាន និង ស្ថាបនិក LDP) សំដៅសំគាល់ សមាជិក LDP ដែលជារឿយៗ មិននិយមប្រើប្រាស់បញ្ញា ប៉ុន្តែ ចេះត្រឹមតែ ជេរប្រមាថ និង ស្តាប់បញ្ជាមេ ។ 

នៅក្នុងកម្មវិធី Facebook LIVE មួយរបស់ ខឹម វាសនា កាលពីថ្ងៃទី ២៧ ឧសភា ២០១៧ ខឹម វាសនា បាន ផ្តាំប្រាប់នៅក្រុមអ្នកដើរតាម LDP ថា "ក្រុមអ្នកស្តាប់ LDP ជាក្រុមក្បាលដែកគោល ជាពួកភ្លើ ប៉ុន្តែ អ្នកមិនស្តាប់ LDP ជាពួកថោក" ។ 

បើតាមការសង្កេត រយៈពេល២នាទីក្នុង វីដេអូនេះ ខឹម វាសនា ហាក់បីដូចជាមនុស្សដែលបាត់បង់គោលការណ៏ វង្វេង លែងដឹងខុសត្រូវ ហាក់ដូចជាអស់ពាក្យត្រូវនិយាយ ។ 

ពេលនេះ ខឹម វាសនា បានទទួលស្គាល់ពាក្យ "ក្រុមក្បាលដែកគោល" ហើយ ។ នៅសល់ពាក្យ "អាគុកPJ" តើ ខឹម វាសនា នឹងទទួលស្គាល់នៅពេលណា? 

ខឹម វាសនា មានវិបត្តិផ្លូវចិត្ត ធ្ងន់ធ្ងរ ក្រោយការបណ្តេញចេញពីបក្ស សម រង្សុី

ដោយ Khmer HD
Personal Blog

ជាបន្តបន្ទាប់ រឿងរាវអាស្រូវរបស់ ខឹម វាសនា ត្រូវបានបែកធ្លាយ ហើយនឹងបន្តបែកធ្លាយតទៅទៀត ដោយសារ ក្រុមអ្នកដែលទំលាយរឿងនេះ យល់ថា ខឹម វាសនា កំពុងតែបំផ្លាញក្រុមយុវជន ប្រើប្រាស់ "ជាតិ" ជាត្រីមុខដើម្បីតែផលប្រយោជន៏ ផ្ទាល់ខ្លួន។ កាលពីពាក់កណ្តាលខែ ឧសភា ២០១៧ នេះ រឿងអាគុកPJ ត្រូវបានទំលាយ ដោយលោក Ith Sarum ។ 

ព្រះតេជគុណ ប៊ុត ប៊ុនតិញ ដែលរងការប្រមាថ យ៉ាងធ្ងន់ធ្ងរពីក្រុម សមាជិក LDP ក៏បានបញ្ចេញអោយដឹង ពីរឿងរាវ វគ្គខ្លះ ក្នុងដំណើរជីវិត ខឹម វាសនា ដែលមហាជនមិនធ្លាប់បានដឹង។ ខាងក្រោមនេះជា សង្ឃដីកា ព្រះតេជគុណ ប៊ុត ប៊ុនតិញ ដែលជាសកម្មជន បរិស្ថាន ដ៏ល្បីល្បាញ ។ 

ប្រវត្តិ ខឹម វាសនា និង វិបត្តិផ្លូវចិត្ត 
ខឹម វាសនា បានត្រូវបណ្តេញចេញ ពី គណបក្ស សម សរង្សុី នៅឆ្នាំ ២០០៥ ដោយសារតែ បុគ្គល ខឹម វាសនា នេះបានលើកដៃគាំទ្រ សន្ធិសញ្ញាបំពេញបន្ថែម ដែលជាហេតុធ្វើអោយកម្ពុជា បានបាត់បង់ "កោះត្រល់" ទៅប្រទេសយួនជាផ្លូវការ។ ការបណ្តេញចេញនេះ បានធ្វើអោយ ខឹម វាសនា មានបញ្ហាផ្លូវចិត្តធ្ងន់ធ្ងរ។ 

ព្រះតេជគុណ បានមានសង្ឃដីកាថា ដោយសារវិបត្តិផ្លូវចិត្ត ធ្ងន់ធ្ងរនេះហើយ ទើប ខឹម វាសនា បានទាក់ទង ទៅព្រះតេជគុណ អោយជួយនាំយករូបគេ ទៅធ្វើ វិប្បសនា នៅទីក្រុង អុីកាតប៉ូលី រដ្ឋ មហារាស្ត្រៈ ប្រទេសឥណ្ឌា។ ខឹម វាសនា បានសហការជាមួយនឹងមនុស្ស ៣នាក់ ដើម្បីជួយគាត់ក្នុងរឿងនេះ ។ អ្នកទាំង ៣ នាក់នោះរួមមាន ៖ 

១-អ្នករៀបចំឯកសារ គឺ លោក Ith Sarum អតីតអនុប្រធានបក្ស ជាស្ថាបនិក គណបក្ស LDP ដែលកាលនោះ លោក Ith Sarum មានងារ ថា សំណាង កូនខ្មែរ ។

២-អ្នករៀបចំការធ្វើដំណើរ គឺ លោក អ៊ុក សុភារិន ។ បច្ចុប្បន្ន អ៊ុក សុភារិន ជាមេបញ្ជាការនៅភូមិភាគ៤។ កាលណោះ លោក អ៊ុក សុភារិន ជាគ្រូ វិប្បសនា អន្តរជាតិ របស់មជ្ឈមណ្ឌល លោកគ្រូ កូ អ៊ីនកា នៅប្រទេស ឥណ្ឌា។ លោក អ៊ុក សុភារិន បានពឹងពាក់ ព្រះតេជគុណ ប៊ុត ប៊ុនតិញ (លោក អ៊ុក សុភារិន ជាមិត្ត ព្រះតេជគុណ ប៊ុត ប៊ុនតិញ កាលពីនៅជាអ្នកបួស) ដើម្បីចាត់ចែង កក់សណ្ឋាគារ និង ចុះឈ្មោះ ខឹម វាសនា ដើម្បីបានធ្វើ វិប្បសនា។ សូមបញ្ជាក់ថា ថវិកាដែលចំណាយលើដំណើរការទាំងអស់នេះ ខឹម វាសនា បានសន្យាថា នឹង សងវិញគ្រប់ចំនួន។ 

កាលនោះ លោក អ៊ុក សុភារិន បានយល់ពី ឥរិយាបថ ខឹម វាសនា គាត់ក៏សំរេចចិត្តលះបង់ គំរោងនោះចោលទៅ។ ហើយ ខឹម វាសនា ក៏មិនបានសង់វិញរាល់ការចំណាយ (កក់ឡាន កក់សណ្ឋាគារ) ទាំងអស់ ដូចបាន សន្យានោះទេ។ 

៣-ព្រះតេជគុណ ប៊ុត ប៊ុនតិញ បានសហការជាមួយ លោក អ៊ុក សុភារិន កាលណោះ ហើយបានចំណាយបច្ច័យ ៥០ដុល្លា ថ្លៃកក់ឡាន កក់សណ្ឋាគារ។ ខឹម វាសនា មិនដែលបានរំលឹកពី ថវិកា ៥០ដុល្លាដែលជំពាក់ព្រះតេជគុណ នោះទេ។ 

តើ ខឹម វាសនា ហ៊ានទទួលស្គាល់ការពិតទាំងអស់នេះដែរ ឬ ទេ? 

ការធ្វើទុកបុកម្នេញ មកលើបក្សប្រឆាំង ពីថ្ងៃទី ២០-២៤ ឧសភា ២០១៧

ដោយ Khmer HD
Personal Blog

យុទ្ធនាការឃោសនាបោះឆ្នោតក្រុមប្រឹក្សា ឃុំសង្កាត់ អាណត្តិទី៤ ឆ្នាំ ២០១៧ បានចាប់ផ្តើមនៅថ្ងៃទី ២០ ឧសភា ឆ្នាំ ២០១៧ ហើយនឹងបញ្ចប់ដោយកំហិត នៅថ្ងៃទី ២ មិថុនា ឆ្នាំ ២០១៧។ ទិដ្ឋភាពទូទៅនៃថ្ងៃទី១ នៃយុទ្ធនាការ ត្រូវបានគេមើលឃើញថា មានភាពរលូន មានការសំរបសំរួលពីអាជ្ញាធរ មានរបៀបរៀបរយ និង គោរពតាមការកំណត់របស់ គជប ។ គណបក្សប្រជាជនកម្ពុជា និង គណបក្សសង្គ្រោះជាតិ ជាបក្សធំៗតែ២ គត់ដែលបានចាប់ផ្តើម ក្បួនឃោសនា ថ្ងៃដំបូងធំជាងគេ ក្នុងចំណោមគណបក្សដែលចូលរួម ការបោះឆ្នោតចំនួន ១២។ 

CNRP first day of commune electoral campaign

បើទោះជាមានទស្សនៈ សុដ្ឋិនិយម ពីប្រជាពលរដ្ឋជាច្រើន ចំពោះយុទ្ធនាការថ្ងៃទី១ (ថ្ងៃ ២០ ឧសភា) ក៏ដោយ ក៏គណបក្សប្រឆាំង នៅតែទទួលរងសំពាធ ជាច្រើនករណីក្នុងរយៈពេល ៤ ថ្ងៃ នៃការចាប់ផ្តើម យុទ្ធនាការនេះដែរ ។ ក្នុងនោះ រួមមាន ៖ 

ករណីទី១៖ បក្ខជនក្រុមប្រឹក្សាសង្កាត់ បក្សប្រឆាំងម្នាក់នៅខេត្ត សៀមរាបរងការគំរាមកំហែង នេះបើតាមសេចក្តីរាយការណ៏ របស់ RFA។ 

រូបភាព អាសុីសេរី

ករណីទី២៖ កញ្ញា Pey Pey Ly អ្នកគាំទ្រដ៏សកម្មម្នាក់នៃគណបក្សសង្គ្រោះជាតិ ត្រូវរងការព្រមាន ពីលោក ហង្ស ពុទ្ធា អ្នកនាំពាក្យ គជប ដោយចោទប្រកាន់ថា នាងបាននិយាយដៀមដាម ដល់បក្សដទៃ ដែលរំលោភដល់ច្បាស់ ឃោសនាបោះឆ្នោត។ 

រូបភាព DNT News

ករណីទី៣៖ នៅថ្ងៃទី ២៣ ឧសភា បេក្ខជន​លេខ​រៀង​ទី​២ នៃ​គណបក្ស​សង្គ្រោះ​ជាតិ ឃុំ​កំពង់ភ្នំ ស្រុក​លើកដែក ខេត្ត​កណ្ដាល ត្រូវបានជនមិនស្គាល់មុខ លួចដុតផ្ទះរបស់គាត់ ។ 

រូបភាព ៖ អាសុីសេរី

ករណីទី៤៖ នៅថ្ងៃទី ២៤ ឧសភា បេក្ខនារី​សមាជិក​ក្រុមប្រឹក្សា​សង្កាត់ ក្រុង​ពោធិ៍សាត់ មក​ពី​គណបក្ស​ប្រឆាំង ១​រូប ត្រូវ​ម៉ូតូ​បុក​ស្លាប់​ ។ តើមនុស្ស ២ នាក់ដែលជិះម៉ូតូបុក លោកស្រី ង៉ែត សុភាព ពីក្រោយជា នណា? នេះជាអំពើរព្រៃផ្សៃ ដែលមិនអាចលើកលែងអោយបាន ។ 

រូបភាព៖ អាសុីសេរី

ករណីទី៥៖ ថ្ងៃទី ២៤ ឧសភា យុទ្ធនាការឃោសនាបោះឆ្នោត របស់គណបក្សសង្គ្រោះជាតិ ត្រូវរងការរំខាន និងបំពានយ៉ាងធ្ងន់ធ្ងរ ពីសំណាស់អាជ្ញាធរ មូលដ្ឋាន។ ហេតុការនេះបានកើតឡើង នៅខ័ណ្ឌសែនសុខ ដោយក្រុមសន្តិសុខ បានបំផ្លាញស្លាកសញ្ញា និង ឧបករណ៏ឃោសនារបស់គណបក្សសង្គ្រោះជាតិ ។ 

រូបភាព៖ Facebook

ករណីទី៦៖ ថ្ងៃទី ២៤ ឧសភា នៅឃុំ កំពង់ភ្លុក ស្រុកប្រាសាទបាគង ខេត្តសៀមរាប មានជនអានាមិគ បានប្រព្រឹត្តនូវអំពើរថោកទាប ដោយយកដែកគោលទៅរាយតាមផ្លូវ មុនពេលដែលគណបក្សសង្គ្រោះជាតិ ដង្ហែរក្បួនឃោសនា។ 

រូបភាព ៖ Facebook

ករណីទី៧៖ ថ្ងៃទី២៤ ឧសភា មន្ត្រី​គណបក្ស​ប្រជាជន​កម្ពុជា បាន​ប្ដឹង​មន្ត្រី​គណបក្ស​សង្គ្រោះ​ជាតិ ទៅ​គណៈកម្មការ​រៀបចំ​ការ​បោះឆ្នោត​ឃុំ ចំពោះ​ការ​រំលោភ​បទបញ្ជា និង​នីតិវិធី​ស្ដីពី​ការ​ឃោសនា​បោះឆ្នោត រួម​មាន​ឃុំ​ង៉ន ឃុំ​ឈើទាល ឃុំ​ក្លែង ក្នុង​ស្រុក​សណ្ដាន់ ឃុំ​សាគ្រាម ឃុំ​ក្រយា ស្រុក​ប្រាសាទបល្ល័ង្គ ឃុំ​ច្រនៀង ឃុំ​ស្រឡៅ ស្រុក​បារាយណ៍ ខេត្តកំពង់ធំ 

រូបភាព៖ អាសុីសេរី

ករណីទី៨៖ មន្ត្រី​គណបក្ស​សង្គ្រោះ​ជាតិ ​បញ្ជាក់​ថា គិត​មក​ដល់​ថ្ងៃ​ទី​២៤ ឧសភា គឺ​មាន​មួយ​ករណី​នៅ ​ឃុំ​គគីរ ស្រុក​មេមត់ ដែល​ មន្ត្រី​គណបក្ស​ប្រជាជន​កម្ពុជា បាន​ប្ដឹង​គណបក្ស​សង្គ្រោះ​ជាតិ ថា​មិន​បាន​គោរព​តាម​បទបញ្ជា​របស់​គណៈកម្មការ​ឃុំ​រៀបចំ​ការ​បោះឆ្នោត។ ក្រៅ​ពី​នេះ ករណី​មួយ​ចំនួន​ទៀត​នៅ ​ស្រុក​តំបែរ ស្រុក​ពញាក្រែក គណៈកម្មការ​ឃុំ​រៀបចំ​ការ​បោះឆ្នោត​បាន​ណែនាំ​គណបក្ស​ប្រឆាំង ឲ្យ​គោរព​តាម​បទបញ្ជា និង​ប្រតិទិន​ស្ដីពី​ការ​ឃោសនា​បោះឆ្នោត ជាដើម។

រូបភាព៖ អាសុីសេរី 

ករណីទី៩៖ ថ្ងៃទី ២៤ ឧសភា យោងតាមគេហទំព័រ Facebook ផ្លូវការ របស់លោកស្រី កែ សុវណ្ណរ័ត្ន តំណាងរាស្ត្រគណបក្សសង្គ្រោះជាតិ និងជាប្រធានគណកម្មការប្រតិបត្តិបក្សសង្គ្រោះជាតិ ខេត្តសៀមរាប បានអោយដឹងថា ទាំងអាជ្ញាធរ មូលដ្នាន និង អាជ្ញាធរខេត្ត បានចេញមករារាំង ក្បួនឃោសនារបស់គណបក្សសង្គ្រោះជាតិ ។ 

រូបភាព: Facebook

នេះជាសំរង់ព្រឹត្តិការណ៏ គំរាម រារាំង អំពើរឧក្រិដ្ឋ ដែលកើតឡើង ទៅលើគណបក្សប្រឆាំងក្នុងរយៈពេល ៤ ថ្ងៃ ។ 

ខឹម វាសនា មានលក្ខណៈជាអ្នកដឹកនាំ សីល្បៈ មិនមែនអ្នកដឹកនាំគណបក្ស ទេ

ដោយ Khmer HD
Personal Blog

ប្រជាជនកម្ពុជា ស្គាល់ ខឹម វាសនា ជាប្រធានគណបក្ស ដែល យំច្រើនជាងគេបំផុត ក្នុងប្រទេសកម្ពុជា។ ខឹម វាសនា អះអាងថា គាត់ស្រក់ទឹកភ្នែក ព្រោះមនោសញ្ចេតនា។ ប៉ុន្តែ ព្រះតេជគុណ ប៊ុត ប៊ុនតិញ យល់ផ្ទុយទៅវិញ។ 

ដោយសង្ឃដីការផ្ទាល់ ព្រះតេជគុណ ប៊ុត ប៊ុនតិញ បានរៀបរាប់ ពី បុគ្គលិកលក្ខណៈ ខឹម វាសនា ថា៖

"ខឹម វាសនា មិនមែនអ្នកដឹកនាំបក្សទេ តែជាអ្នកដឹកនាំ សិល្បៈ"។ អ្នកដឹកនាំបក្ស មានបុគ្គលិក លក្ខណៈផ្សេង និង អ្នកដឹកនាំសិល្បៈ ដឹកនាំតួល្ខោនផ្សេង។ ខឹម វាសនា អាចយំបាន អាចសំដែងសំរក់ទឹកភ្នែកបាន ដូច្នេះប្រាកដណាស់ថា កាត់ជា អ្នកដឹកនាំសិល្បៈ ។ 

ខឹម វាសនា យំដោយសារលុយ មិនមែនយំដោយសារការស្រលាញ់ប្រទេសជាតិ និង មានបំណងជួយសង្គ្រោះប្រទេសជាតិ អោយរួចផុតពីបញ្ហានៃការគៀបសង្កត់អ្វីនោះទេ។ សូម្បីតែយំនឹងការបាត់បង់ ពល របស់ខ្លួន ដែលហៅថា "ពលស្រួច" ដែលត្រូវបានគេចាប់ដាក់គុក ដោយសារ ការពារដីរបស់ ខឹម វាសនា ក៏ ខឹម វាសនា យំរកលុយ ទៀត។ 

ខឹម វាសនា បានដើរផ្ទុយពីគោលការណ៏ នៃLDP ដែលគាត់បានបង្រៀនថា "យើងមិនត្រូវជាប់ជំពាក់ នឹងផលប្រយោជន៏បុគ្គល ត្រូវធ្វើយ៉ាងណាអោយស្តើង អញ"។ ប៉ុន្តែ ក្រុមសមាជិក LDP មិនបានយល់ច្បាស់ពីគោលការណ៏ ដែល ខឹម វាសនា ព្យាយាមបោកប្រាស់អ្នកដើរតាមខ្លួននោះទេ។ ហើយ ខឹម វាសនា បានប្រើភាសាក្រលិចក្រឡុច ដែលអាត្មានឹងបកស្រាយទាំងអស់។ ខឹម វាសនា តាំងខ្លួនជាអ្នកប្រជាធិបតេយ្យ តែ ខឹម វាសនា មិនមែនជាអ្នកប្រជាធិបតេយ្យ ព្រោះបុគ្គលនេះ មាន អញ ជាធំ ។   

ខឹម វាសនា មិនអាចក្លាយជាអ្នកដឹកនាំប្រទេស បានទេ !  
ព្រះតេជគុណ ប៊ុត ប៊ុនតិញ បានពន្យល់ថា ៖ 

ខឹម វាសនា ជាបុគ្គល គ្មានសាសនា។ សំរាប់ប្រទេសមួយ (កម្ពុជា) ដែលមានជំនឿជឿជាក់ ក្នុងសាសនាយ៉ាងរឹងមាំ ជាពិសេសជឿជាក់ក្នុងព្រះពុទ្ធសាសនា ដែលយកការគោរព ត្រ័យសរណគម ជាធំ មានព្រះសង្ឃ ជាដើម។ ហើយបើសិនអ្នកនយោបាយណា ឬ ថ្នាក់ដឹកនាំគណបក្សបយោបាយ ណាដែលយកការជេរប្រមាថជាធំ ហើយប្រមាថ ត្រ័យសរណគម របស់ជនរួមជាតិរបស់ខ្លួន តើអ្នកដឹកនាំនោះអាចមានមាយាទ ទៅដឹកនាំប្រទេសបានទេ?  ប្រសិនបើ ត្រ័យសរណគម របស់ប្រជាពុទ្ធបរិស័ទ ត្រូវបានគេប្រមាថជិះជាន់ ខ្ទេចខ្ទីក្លាយជាសំរាម តើយើងអាចមានសុដ្ឋិនិយម ថា តើអ្នកដឹកនាំ គណបក្សនយោបាយនោះ អាចដឹកនាំប្រទេស ដោយមានភាពសុខដម បានទេ? មិនអាចទេ ។ 

តួអង្គអ្នកនយោបាយ នៅក្នុងប្រទេសដែលមាន ជំនឿសាសនា និង អារ្យធ៌មមុតមាំ បើ ជំនឿសាសនា និង តំលៃអារ្យធ៌ម ត្រូវគេកំទេចហើយ ក្លាយជាសំរាមហើយ បុគ្គលរូបនោះគ្មាន សមត្ថភាពដឹកនាំ ជនរួមជាតិរបស់ខ្លួន ឆ្ពោះទៅរកភាពសុខដមរួមម្នាទេ។ 

ទស្សនៈបញ្ញាវ័ន្ត ចំពោះ ខឹម វាសនា ប្រធានបក្ស LDP

ដោយ Khmer HD
Personal Blog

ក្រោយពីការពិត នៃរឿងរាវដ៏អាក្រក់មិនគួរអោយជឿ ត្រូវបានបើកកកាយដោយ អតីតអនុប្រធានគណបក្ស LDP លោក Ith Sarum មក មានមនុស្សជាច្រើនបានចេញមុខ បញ្ចេញទស្សនៈផ្ទាល់ខ្លួនតាម comment អំពី បុគ្គល ខឹម វាសនា។ 

ក្នុងនោះម្ចាស់ Facebook account លោក Sotheara Kung បាន សរសេរថា ៖

សម្រង់ពាក្យថ្មីៗ ២០១៦-២០១៧

- ព្រះ គី ពូ ពូ គឺ អញ

- បដិបត្តិធម៌ គឺ ជេរ

- ឪ ម៉ែ គឺ គ្មានគុណ

- ជេរអ្ហែងហើយ រួចក្រឡាស់ថា ជេរអ្នកដែលគួរជេរ គឺ ជេរម៉ាឆ្ងាញ់

- នៅជាមួយពូ អំណាច គឺ អត់ប្រមូលផ្តុំទេ តែបើពូនិយាយមិនតាម ហាមមិនស្តាប់ ពូមិនត្រឹមតែ Unfriend ចោលទេ គឺ ពូ Block ចោលតែម្តង ពូសុំប្រាប់មុនអោយហើយ ម៉េចយល់នៅ ពួកអាដែង ...??? 

លោក Sotheara Kung បានសរសេរ ចំអក អោយ ខឹម វាសនា ថា ៖ 

សំណាងហើយ ដែលយើងអានសៀវភៅទស្សនៈ និង បដិបត្តធ៌ម បានតិចតួច កុំអីប្រហែលមិនខុស ពី អាកាបីងោះ ៥៧០ នោះទេមើទៅ ...!!! ព្រោះកាលណាអានសៀវភៅទស្សនៈច្រើន យូរៗទៅវាយកអាទស្សនៈគេមកកែខៃ កាឡៃ ធ្វើជារបស់ខ្លួន ហើយខំប្រឹងបង្កបង្កើតទ្រឹស្តី ដោយខ្លួនឯងដោយគិតថាខ្លួនមានគំនិតល្អ គំនិតថ្មីៗ និយាយទៅគឺ មានតែអញ គិត រឿងប្លែកៗ និយាយស្តីចម្លែកៗ ក្បាលរឹង ចចេស មានះ និង ជាមនុស្សឯកោ ផុតលេខ ក្នុងលោក អាចោលម្សៀតនេះពូកែ ងក់ ង ទៀតផងណា និយាយអោយចំ អាណាមិនយល់ដូចអញ "ថោក" ។ អាណាប្រឆាំង នឹងអញនោះគឺ "សត្រូវរបស់អញ" សូមបញ្ជាក់ថា បុថុច្ឋន វាទាល់តែដាក់ខ្យល់ បុិត វៃ ដែកគោលប៉ូក បានវាអស់អញ ...!!! 

លោក Sotheara Kung បានសរសេរបន្តទៀតថា ៖ 

នេះជាទ្រឹស្តី ៣ ឃ្លារបស់យើង ឯងយកទៅដេកគិតទៅអាក្របី ៥៧០ 

ទី១ លើកតម្កើងអ្នកដទៃដើម្បីខ្លួនឯង និយាយអាក្រក់ពីអ្នកដទៃ ដើម្បីខ្លួនឯង 

ទី២ ដើម្បីជោគជ័យក្នុងទំនាក់ទំនង ដំបូង ត្រូវធ្វើអោយគេមានជំនឿ មកលើយើង បន្ទាប់មកគឺការនិយាយតម្រូវ 

ទី៣ អ្នកដែលសំបូរវោហារ ផ្កាសម្តី វចីកោសល្យ និង ពូកែលើហេតុផល គឺ ជា មនុស្សដែលគួរអោយប្រុងប្រយ័ត្ន បំផុត ហើយអ្នកដែលមិនសូវចេះមាត់ ក មិន ប្រាកដថា មិនចេះខិលខូចដែរ ។ 

មិនទាន់សំរេចធ៌មដល់ថ្នាក់ពាល់ត្រូវទេ តែនៅមានទៀត នេះក៏ដោយសារធ្លាប់អានសៀវភៅ ទស្សនៈ និង ចិត្តវិទ្យា  ខ្លះៗដែរ តែមិនបានអានច្រើន ព្រោះយូរៗទៅ កុំថាដល់ថ្នាក់អានសៀវភៅ ២ មុខហ្នឹង សូម្បីតែ ស្តាប់ការនិយាយ របស់អាអ្នក ធ្លាប់អានសៀវភៅអស់ហ្នឹង បើមិនធ្លាប់បានដឹង បាលលឺ ពីមុនមកទេ គឺ បែកកម្មដ្ឋាន ប្រតិកម្ម វិជ្ជាគុន ដូចអាកាបី ៥៧០ នេះអញ្ចឹង។ ព្រោះសៀវភៅទាំងហ្នឹង ដូចជាមានអានុភាពអ្វីម្យ៉ាងស្រូបទាញចិត្ត អ្នកអានទាំងអស់ ហើយអ្នកដែលបានអានវា ឃើញមនុស្សជំវិញខ្លួន គ្មានអីស្ចារ្យទេ គឺ គេ មានទំនុកចិត្ត និង ជឿជាក់លើខ្លួនគេជាង នរណាៗទាំងអស់ ភាគច្រើនគឺ គិតថា "មានតែអញ" ។ 

ខឹម វាសនា ត្រូវបាន អតីតអនុប្រធាន LDP ដាក់ងារ "អាគុកPJ"

ដោយ KHMER HD 
Personal Documentation 

នៅថ្ងៃទី ១៧ ឧសភា ឆ្នាំ ២០១៧ នេះ វីដេអូមួយដែលមានរយៈពេលប្រហែល ៤៧ នាទីត្រូវបានគេផ្សាយផ្ទាល់នៅក្នុងអាខោន Facebook ឈ្មោះ Ith Sarum ដែលអះអាងថា លោកជាអតីតអនុប្រធាន ចលនាសម្ព័ន្ធដើម្បីប្រជាធិបតេយ្យ ហៅកាត់ថា LDP និង ជាស្ថាបនិក LDP ផងដែរ។ 

លោក Ith Sarum អតីតអនុប្រធាន និងជាស្ថាបនិក ចលនា LDP
ដែលត្រូវ ខឹម វាសនា បណ្តេញយ៉ាងផ្តាច់ការ

វីដេអូ លោក Ith Sarum ត្រូវបានគេចំលង និង ចែកចាយតាមបណ្តាញសង្គម Facebook យ៉ាងទូលំទូលាយ និង គួរអោយភ្ញាក់ផ្អើល ។ តើ លោក Ith Sarum បាននិយាយអ្វីខ្លះពី លោក ខឹម វាសនា ប្រធាន LDP? 

លោក Ith Sarum បានហៅ លោក ខឹម វាសនា ថា "អាគុកPJ" ។ លោកបានពន្យល់មូលដ្ឋាន នៃការដាក់ងារអោយ ខឹម វាសនា ថា "អាគុកPJ" ថា ៖ នៅក្នុងកំឡុងឆ្នាំ ២០០០ លោក ខឹម វាសនា បានប្រព្រឹត្តអំពើរល្មើសទាក់ទងនឹងការក្លែងបន្លំឯកសារ រដ្ឋបាលមួយចំនួន ក្នុងការរៀបចំឯកសារ ទៅរស់នៅក្រៅ ប្រទេស ដែលជាមុខរបរ របស់ ខឹម វាសនា។ ហើយ ខឹម វាសនា ត្រូវបានចាប់ខ្លួនបញ្ជូនទៅ គុកPJ ឬ គុកនគរបាលយុត្តិធ៌ម ។ លោក Ith Sarum បានរៀបរាប់ ពីទង្វើអាក្រក់ របស់ ខឹម វាសនា ហើយមិនមានមនុស្សច្រើនទេ ដែលបានដឹងរឿងទាំងអស់នេះ ។ 

តើទង្វើ និង ពុតត្បុតរបស់ ខឹម វាសនា មានអ្វីខ្លះ?

- ខឹម វាសនា បានក្លែងក្លាយ លិខិតរដ្ឋបាល ឯកសារបញ្ជាក់ ។ ធ្វើសៀវភៅ គណនីធនាគា Transection ដោយប្រើប្រាស់ត្រាក្លែងក្លាយ ដែលខ្លួនមាន។ ថតរូបភាព សំដែង ដើម្បីប្រើប្រាស់ក្នុង ឯកសារក្លែងក្លាយនោះ។ 

- ខឹម វាសនា ខ្ចីលុយមិត្តភក្តខ្លួននៅ អូស្ត្រាលី មិនព្រមសង ហើយថែមទាំងជេរប្រមាថ ម្ចាស់លុយ ដោយប្រើពាក្យថា "ប្តីអូនឯងថោកមិនស្មើរនឹងរោមជើងបងផង" ។ 

- ខឹម វាសនា ខ្ចីលុយមិត្តភក្ត ម្នាក់ ឈ្មោះ សាន្ត ហើយគេចមិនព្រមសង។ គួរបញ្ជាក់ថា ភរិយា លោក សាន្ត បានទៅទារលុយ ខឹម វាសនា ខណៈនោះ ខឹម វាសនា បានលាក់ខ្លួន នៅក្នុងបន្ទប់ឡៅតឿផ្ទះល្វែងមួយ រួចរត់គេចចេញតាមទ្វាក្រោយ បន្ទាប់មកទើបអោយអ្នកបើកឡាន យកឡានគាត់ចេញតាមទ្វាមុខ។ 

- ខឹម វាសនា ខ្ចីលុយលោក Ith Sarom ចំនួន ២០០០ ដុល្លា អាមេរិក ។ លោក អុិត សារម្យ ខ្លួនឯង បាននិយាយថា ខឹម វាសនា បានហៅលោក ចូលក្នុងបន្ទប់ហើយធ្វើពុតជាយំ សុំខ្ចីលុយលោក ដោយនិយាយថា "ត្រូវការខ្ចីលុយ ២ពាន់ដុល្លា" ។ 

- ខឹម វាសនា បានប្រឌិតរឿង ដើម្បីបណ្តេញ លោក អុិត សារម្យ អនុប្រធាន LDP ចេញពីមុខតំណែង ដោយអត្តនោម័ត ដោយគ្រាន់តែប្រើពាក្យថា "អុិត សារម្យ ធ្វើការមិនកើត ចូលតាមណា ចេញតាមហ្នឹង"។ 

នៅក្នុងវីដេអូដដែលនេះ លោក អុិត សារម្យ បានប្រមានថា នឹងបន្តទំលាយការពិត នៃទង្វើថោកទាប របស់ លោក ខឹម វាសនា ប្រមុខបក្ស LDP នៅក្នុងបុព្វហេតុមួយដែលលោកហៅថា "LDP កំពុងបង្កគ្រោះថ្នាក់ ដល់សង្គម" ។ 

បន្ទាប់ពីវីដេអូរបស់ លោក អុិត សារម្យ ត្រូវាបនបង្ហោះចែកចាយ ពេញបណ្តាញសង្គម និង មានអ្នកល្បីល្បាញ ក្នុង Facebook ខ្លះបានយករឿងនេះ ទៅកំប្លែងលេងសើច និង វាយប្រហារ... បានធ្វើអោយមាន ការព្រួយបារម្ភដល់ក្រុម LDP រហូតដល់មានការដាក់ចេញនូវបញ្ជា តឹងរឹង ដែលគេហៅថា "វិន័យគ្រួសារ"។ សារនេះត្រូវបានបង្ហោះនៅថ្ងៃទី ១៩ ឧសភា ២០១៧ ដោយអាខោនឈ្មោះ បងស្រី សម្ព័ន្ធ ៖

បើយោងតាមការចុះផ្សាយ របស់កាសែត online ឈ្មោះ មនោរម្យ បង្ហាញថា ការបង្ហោះនៅក្នុង អាខោន ឈ្មោះ "បងស្រី សម្ព័ន្ធ" ធ្វើឡើងក្រោមបញ្ជារបស់ ខឹម វាសនា ។ កាសែត Online ដដែលក៏បាន បន្ត ចុះផ្សាយ ដោយដកស្រង់ វីដេអូ លោក Ith Sarom ខាងលើ ដោយដាក់ចំណងជើងថា ៖ អតីតអនុប្រធានបក្សLDP និយាយអ្វីខ្លះពីបក្សនេះក្រោយពីសម្រេចចិត្តដើរចេញ ?

សូម រងចាំបន្ត តាមដាន រឿងពិត របស់ ខឹម វាសនា !