មនុស្ស ពីក្រោយគណនី Facebook ក្លែងក្លាយ

By Khmer HD

Personal Blog

តើ មនុស្សដែលពួនពីក្រោយ គណនី Facebook ក្លែងក្លាយ ទទួលបានប្រយោជន៏អ្វី ពីទង្វើរបស់ខ្លួន?

បណ្តាញសង្គមបានក្លាយទៅជាម៉ាសុីន គ្រប់គ្រងផ្នែកខ្លះនៃជីវិតរបស់មនុស្សសម័យថ្មី។ មនុស្សខ្លះប្រើប្រាស់វាអោយ មានប្រយោជន៏ និង មនុស្សខ្លះទៀត ប្រើប្រាស់វាដោយមិនយល់ពីអត្ថប្រយោជន៏ បង្ហិនពេលវេលា លុយ និង បង្កើតផលវិបាកអោយខ្លួនឯង ទាំងផ្លូវអារម្មណ៏ សុខភាពផ្លូវកាយ និង ពេលខ្លះ បំផ្លាញខ្លួនឯងថែមទៀត។ ខាងក្រោមនេះ ជាឧទាហរណ៍ ជាក់ស្តែងនៃការប្រើប្រាស់ Facebook ដែលគ្មានប្រយោជន៍ទាល់តែសោះ។ 

បុរសម្នាក់ ឈ្មោះ ឈិន សារ៉េត នៅពីក្រោយអាខោនហ្វេសប៊ុកក្លែងក្លាយរាប់មិនអស់ ក្នុងគោលដៅតែម្យ៉ាងគត់ គីវាយប្រហារ លោក សម រង្សុី សហស្ថាបនិកនៃគណបក្សប្រឆាំងដ៏ធំនៅ កម្ពុជា។ 

សារ ឬ Comment របស់បុគ្គល ឈិន សារ៉េត និង ក្រុមបក្សពួក គឺ សារប្រមាថ ចំអក មួលបង្កាច់ ដែលគ្មាន លក្ខណៈជាទស្សនៈ ស្ថាបនា ដែលមានប្រយោជន៍ សំរាប់ខ្លួនឯង និង សង្គម ការតស៊ូមតិបែបវិជ្ជាមាន និង រិតតែ គ្មានប្រយោជន៏ សំរាប់ដំណើរការប្រជាធិបតេយ្យនៅ កម្ពុជា ថែមទៀត។ 

លើសពីនេះនៅពេលដែល ឈិន សារ៉េត និង បក្សពួក ហៅខ្លួនឯងថា ជាអ្នកគាំទ្រ លោក កឹម សុខា សហស្ថាបនិក គណបក្សសង្គ្រោះជាតិ រឹតតែធ្វើអោយចម្ងល់កាន់តែខ្លាំង។ តើពួកគេទទួលបានផលប្រយោជន៏អ្វី ពីការប្រើ ប្រាស់អាខោនហ្វេសប៊ុកក្លែងក្លាយ ដ៏ច្រើនសន្ធឹកសន្ធាប់នេះ? 

ច្បាស់ណាស់ថា ទង្វើរបស់ពួកគេ មិនអាចបំបាក់ប្រជាប្រិយភាព និង ជីវិតនយោបាយរបស់ លោក សម រង្សុី បានឡើយ សូម្បីតែ ហ៊ុន សែន នៅមានការលំបាក ក្នុងការកាច់បំបាក់ លោក សម រង្សុី។ តើ ពួកគេ ចំណាយពេល និង លុយកាក់ ព្រោះធ្វើទៅតាម អារម្មណ៏នយោបាយ ឬ ជា បេសកម្ម?   

មនុស្ស ជុំវិញ លោក កឹម សុខា

By Khmer HD

Personal Blog

Chham

មហាទេព ទាំង៤ ដែលពួនជាប់ក្លៀកលោក កឹម សុខា ជានរណា ?

១ លោក លន់ ភុន ជាអតីតអ្នកតំណាងរាស្ត្រមណ្ឌលបាត់ដំបង កូតាគណបក្ស សម រង្ស៊ី កាលឆ្នាំ១៩៩៨។ លន់ ភុន មានឈ្មោះក្នុងប្រវត្តិសាស្ត្រថា ជាតំណាងរាស្រ្តដែលមិនបានបោះឆ្នោតឲ្យខ្លួនឯង ព្រោះក្នុងថ្ងៃបោះឆ្នោត លន់ ភុន រត់ទៅថៃ។ លន់ ភុន ជាតំណាងរាស្រ្តអត់ចេះធ្វើការ ទៅកន្លែងណាស្រីកន្លែងហ្នឹង បង្ករជម្លោះ ធ្វើឲ្យសកម្មជនបាក់ទឹកចិត្ត ជាក់ស្តែង ការបោះឆ្នោតឃុំសង្កាត់ ក្នុងឆ្នាំ២០០២ ខេត្តបាត់ដំបង ដែល លន់ ភុន ដឹកនាំបានបាត់សម្លេង៥០០០០សម្លេង គឺបានទទួលតែ២០០០០សម្លេងប៉ុណ្ណោះ ក្នុងចំនួនសម្លេងបោះឆ្នោតជាតិ៧០០០០សម្លេង។ លន់ ភុន ត្រូវបានគណបក្ស សម រង្ស៊ី ដកពី ខេត្ត បាត់ដំបង ឲ្យទៅកាន់ខេត្តស្វាយរៀងនៅឆ្នាំ២០០៣ អ្វីដែល លន់ ភន់ បានធ្វើនៅ ស្វាយរៀងគឺ រឿងអស្ចារ្យមួយដែលគ្មានអ្នកធ្វើដូចគឺ “ ម្តាយ កូន ពីរនាក់ ដាក់មេក្រូប្រកាស់ទាមទារឲ្យ លន់ ភន់ ទទួលខុសត្រូវ ព្រោះ លន់ ភុន ចង់ដោះដៃពីកូនស្រីគាត់ “ ហើយទីបំផុត លន់ ភុន បងលុយ ៣ពាន់ដុល្លារ បញ្ចប់រឿង។ ព្រោះតែ លន់ ភុន ជាមនុស្សមានសីលធ៌មអន់ ទៅកន្លែងណាមានស្រីញ៉ី បង្កជម្លោះ អត់ចេញធ្វើការ គណបក្ស សម រង្ស៊ី ក៏លែងប្រើការ។ ដល់ឆ្នាំ ២០០៨ លន់ ភុន រត់ចូល CPP បានតួនាទីជារដ្ឋលេខាធិការក្រសួងអភិវឌ្ឍន៍ជនបទ តែដោយសារ លន់ ភុន ជាមនុស្សមិនចេះធ្វើការ ប្រើការមិនបាន CPP ក៏លែងប្រើការ។ ដល់ឆ្នាំ២០១៣ លន់ ភុន ក៏រត់ចូលមកសង្គ្រោះជាតិ និង បន្ទាប់មក បានក្លាយជាមនុស្សស្និទ្ធ កៀកកិតលោក កឹម សុខា រហូតបច្ចុប្បន្ន។

២ Linakviroth Um ជាមនុស្សដែល លោក យឹម សុខា ធ្លាប់យកមកបណ្តុះបណ្តាលក្នុងគណបក្ស សម រង្ស៊ី តែមនុស្សនេះជាប្រភេទមនុស្សបណ្តុះមិនឡើង ឆេវឆាវ ឡេមឡឺម មិនចេះធ្វើការ ក៏បក្សមិនប្រើការ។ Linakviroth Um រត់ចូល CPP នៅ ឆ្នាំ ២០០៨ តែ CPP មិនប្រើការ ព្រោះគេគ្មានសមត្ថភាពអី្វ ក្រៅពីលុតក្រាបលីមលឺម ញញឹមញញែម យកចិត្តគេ។ ក្រោយពី CPP មិនប្រើការក៏រត់មក CNRP វិញក្នុងឆ្នាំ២០១៤ ។

៣ សេង វីរះ អំឡុងឆ្នាំ២០០៦ ធ្លាប់ជាបុគ្គលិកបំរើការនៅខុទ្ទការល័យលោក សម រង្ស៊ី តែគេជាមនុស្ស អំនួត ចូលចិត្តបង្ហាញមុខចំពោះមុខមេដឹកនាំ អែបអប តែការងាររកជាសាច់ការមិនបាន ក៏ត្រូវរងនូវការស្តីបន្ទោស។ បន្ទាប់មកក៏រត់ទៅចុះចូលជាមួយ កឹម មនោវិទ្យា នឹងធ្វើជាសេកបញ្ចេញកំហឹង ជេរប្រមាថលោក សម រង្ស៊ី ជំនួស កឹម មនោវិទ្យា រហូតមក។

 

៤ បោយ រ៉ើយ ជាកូនអ្នកឃុំជ្រៃ ស្រុកមោងឬស្សី ខេត្តបាត់ដំបង។ បោយ រ៉ើយ ក៏ជាមនុស្សដែលលោក យឹម សុខា បណ្តុះបណ្តាលដែរ ដែលដើមឡើយគេជាអ្នកវាយកុំព្យូទ័រសរសេរអត្ថបទឲ្យអ្នកពត៌មានក្នុងអំឡុងឆ្នាំ១៩៩៤ លុះដល់ឆ្នាំ១៩៩៨ បោយ រ៉ើយ អាចសរសេរពត៌មានខ្លួនឯងបាន តែ ជំនាញពិសេសរបស់ បោយ រ៉ើយ គឺ គោះលុយ ។ អ្នកឲ្យលុយ បោយ រ៉ើយ សរសេរល្អ អ្នកមិនឲ្យលុយ បោយ រ៉ើយ សរសេរអាក្រក់។ បច្ចុប្បន្ន បោយ រ៉ើយ ជាមនុស្សពិការមួយចំហៀងខ្លួន ដោយជម្ងឺ Strok ហើយជម្ងឺនេះបណ្តាលមកពីចិត្តចង្អៀតចង្អល់ លោភលន់ ក្នុងមុខរបរដីឡូដ៍របស់គាត់។ បោយ រ៉ើយ បានរត់តាម លន់ ភុន ចូលទៅ CPP កាលពីឆ្នាំ២០០៨ ហើយមកចូល CNRP នៅឆ្នាំ២០១៤។

Ray C Dam ជនបោកប្រាស់ជាន់ខ្ពស់

ដោយ Khmer.HD

រឿងរាវរបស់ Ray C Dam មានភាពស្មុគស្មាញ និង ពិបាកយល់សំរាប់មនុស្សសាមញ្ញជាច្រើន ពីព្រោះតែ ក្រុមមនុស្សដែលជាប់ពាក់ព័ន្ធ រូមទាំងអង្គការ ក្រុមហ៊ុនសប្បនិម្មិតជាច្រើន ដែលគេបង្កើតឡើងប្រទាក់ក្រឡាគ្នា រូមទាំងបណ្តាញផ្សព្វផ្សាយ ដែលគេរៀបចំឡើង ដើម្បីធ្វើអោយមនុស្សមានទំនុកចិត្តកាន់តែខ្លាំង។ 

ខាងក្រោមនេះ គឺជារចនាសម្ព័ន្ធ ដែលគេរៀបចំដើម្បីបោកប្រាស់ ក្រោមរូបភាពស្ថាប័នមួយដែល មានឈ្មោះថា "ការិយាល័យគ្រប់គ្រងរតនាគាអន្តរជាតិ" ឬ ជាភាសាអង់គ្លេស Office of International Treasury Control.

រចនាសម្ព័ន្ធបោកប្រាស់ កំរិតខ្ពស់
ខាងក្រោមនេះជា Link ដើម្បីនាំលោកអ្នកទៅស្គាល់ ថាតើ ពួកគេពិតជា សាកសម កាន់កាប់លុយរាប់ពាន់លានដុល្លា
ដូចដែលពួកគេប្រកាស ដែរឬទេ?
ទី១- Neil Francis Scott / ទី២- Keith Francis Scott / ទី៣ Ray C Dam

Ray C Dam និង បក្សពួកបានបង្កើតគេហទំព័ររបស់ Office of International Treasury  Control ដើម្បីធ្វើអោយដូចការពិត។ ពួកគេបានបង្កើតឯកសារក្លែងក្លាយ បង្ហោះក្នុងបណ្តាញអ៊ីនធើណែត  ដើម្បីអោយអ្នកស្រាវជ្រាវអំពីពួកគេមានទំនុកចិត្ត ដោយប្រើប្រាស់ឈ្មោះស្ថាប័ន  OITC នេះ។ Ray C Dam បានតែងតាំងខ្លួនជាមេដឹកនាំកំពូល នៃ ស្ថាប័នបោកប្រាស់នេះ។ 

តើ Office of International Treasury Control គឺជាអ្វី? 

យោងតាមគេហទំព័រ Wikipedia បានសរសេរថា OITC គឺជាអង្គការបោកប្រាស់ ដែលបានប្រកាសថា មានទំនាក់ទំនងជាមួយ អង្គការសហប្រជាជាតិ(UN) និងធនាគាកណ្តាលនៃសហរដ្ឋអាមេរិក(Federal Reserve)។ OITC ដឹកនាំដោយ Ray C Dam បានព្យាយាមបោកបញ្ជោត មនុស្ស និង អង្គការមួយចំនួន នៅប្រទេស អេគ្វាឌ័រ សាធារណរដ្ឋ ហ្វីជី និង ចក្រភពអង់គ្លេស។ អង្គការសហប្រជាជាតិ និង ធនាគាកណ្តាលសហរដ្ឋអាមេរិក បានច្រានចោល ថា មិនបានដឹង ហើយក៏គ្មានទំនាក់ទំងជាមួយនឹង OITC ដែរ។ 

ដកស្រង់ចេញពី គេហទំព័រ Wikipedia ដែលជាប្រភព ព៌តមានពិត

Ray C Dam និងបក្សពួកបានបង្កើតឯកសារក្លែងក្លាយជាច្រើន ដោយប្រើប្រាស់ ឡូហ្គូ របស់អង្គការ សហប្រជាជាតិ (លោកអ្នកអាចស្រាវជ្រាវរកមើល ឯកសារក្លែងក្លាយទាំងនេះនៅក្នុង Google បានដោយងាយ)។ 

អ្នកនាំពាក្យរបស់អង្គការបោកប្រាស់ OITC លោក Keith Scott បានកុហក់ថា "OITC ត្រូវបានរៀបចំដោយ អង្គការសហប្រជាជាតិ ក្រោមពិធីការសំងាត់មូយ ដែលរហូតមកដល់ពេលនេះ មានតែមនុស្សជាក់លាក់មួយចំនួន នៅក្នុងធនាគាថ្នាក់ខ្ពស់បំផុត ដែលស្គាល់ OITC"។ គេក៏បានកុហក់ទៀតថា "OITC ត្រូវបានបង្កើតឡើង ដោយបណ្តាររដ្ឋាភិបាល ប្រជាធិបតេយ្យស្របច្បាប់នៃពិភពលោក"។ ដោយសារទង្វើបោកប្រាស់របស់ខ្លួន OITC បដិសេធ ផ្សព្វផ្សាយជាសាធារណៈ នូវឯកសារបញ្ជាក់បញ្ជាក់ពីភាពត្រឹមត្រូវរបស់អង្គការនេះ ហើយ បែរជានិយាយថា មានតែមនុស្សដែលមានលំដាប់ថ្នាក់ សន្តិសុខ ថ្នាក់ទី៣ ឬ ៥ ទើបអាចបានមើលឯកសារ បញ្ជាក់របស់ OITC. 

អ្នកនាំពាក្យអង្គការបោកប្រាស់នេះ បាននិយាយទៀតថា Protocol for verification អាចនឹងត្រូវ អនុវត្តន៏បានតែ មន្ត្រីជាន់ខ្ពស់ របស់រដ្ឋាភិបាល ឬ ធនាគាកណ្តាល តែប៉ុណ្ណោះ។ អ្នកនាំពាក្យបានដោះសារថា "ហេតុនេះហើយបានជាអ្នក មិនអាចស្វែងរកព៌តមានអ្វីពី OITC នៅក្នុងអ៊ីធើណែតឡើយ"។ Keith  Scott [ជានាយកខុទ្ទកាល័យនៃ OITC ជាបេសកជនពិសេស និងជានាយកចាត់ចែងរបស់ Ray Chhat Dam] និយាយថា "មធ្យោបាយតែមួយគត់ ដើម្បីស្នើរសុំមើល សេចក្តីបញ្ជាក់របស់ OITC គឺ ការស្នើរសុំ ត្រូវធ្វើតាមរយៈ ទីស្នាក់របស់អង្គការសហប្រជាជាតិ នៅទីក្រុង New York ឬ ហ្សឺណែវ"

ការអះអាងខាងលើនេះ ត្រូវបានទាត់ចោលដោយអង្គការសហប្រជាជាតិ។ អង្គការសហប្រជាជាតិបានគូសបញ្ជាក់ ថា "មិនដែលមាន អ្វីដែលហៅថា UN Charter Control Number សំរាប់បញ្ជាក់ពីភាពពិត របស់អង្គការមួយនោះទេ"។ តំណាង UN នៅ កូឡំបី បានប្រកាសថា ភ្នាក់ងាររបស់ UN មានរាយនៅក្នុងញ្ជី ដែលក្នុងគេហទំព័រ របស់ UN ហើយមិនមានភ្នាក់ងារសំងាត់អ្វីនោះទេ។ 

Keith  Scott បានបោកប្រាស់ថា "OITC ត្រូវបានរៀបចំឡើងបន្ទាប់ពី ក្រដាស់មួយសន្លឹក ដែលលោកបង្ហាញទៅ ធនាគាកណ្តាលសហរដ្ឋអាមេរិក នៅឆ្នាំ ១៩៩៨ ស្នើរសុំតែងតាំង Ray Chhat Dam ជាអាជ្ញាកណ្តាលស្នូល នៃមជ្ឈមណ្ឌលទ្រព្យសម្បត្តិនៃពិភពលោក ដែលត្រួតត្រាដោយធនាគាកណ្តាល និង Bank of International Settlements"។ Scoot ថា មូលនិធិរបស់ OITC ត្រូវបានរក្សាទុក នៅក្នុងអង្គការមួយដែលគេហៅថា Institutional Parent Administration Account.

ចំណែក សហរដ្ឋអាមេរិកបានប្រកាសថា នៅក្នុងធនាគនាគារកណ្តាលអាមរិក មិនមានអង្គការ ឬ ផ្នែក មានឈ្មោះ ឬស្រដេងទៅនឹង Bank of International Settlements ហើយគ្មានអង្គការស្ថាប័ន​ណាមួយតំណាងអោយធនាគាកណ្តាលដែរ។ អាមេរិក  ក៏បានប្រកែកថា មិនបានដឹង ឬ ស្គាល់ OITC នោះទេ។

អង្គការបោកប្រាស់ OITC មិនមានទីតាំងច្បាស់លាស់អ្វីឡើយ។ នៅខែ មីនា ២០០៦ អង្គការនេះបានសរសេរ នៅក្នុងឯកសារផ្លូវការរបស់ខ្លួនថា មានទីតាំងនៅ ម៉ាឡេស៊ី Netherlands USA អូស្ត្រាលី និង អេគ្វាឌ័រ។  ជាបន្តបន្ទាប់ អង្គការបោកប្រាស់របស់ Ray Chhat Dam ក៏អះអាងថា OITC មានការិយាយល័យធំ នៅ សឹង្ហបូរី និង កម្ពុជា ផងដែរ។ 

ទោះបីយ៉ាងណា កាសែត Daily Telegraph របស់អង់គ្លេស បានធ្វើកំណត់សំគាល់ឆ្នាំ ២០០៥ថា "លេខ ក្រុងបាងកក ដែលមានក្នុងលិខិត OITC ការពិតគឺ មិនមានទេ។ ហើយនៅ ខែ មេសា ឆ្នាំ ២០០៦ ការរិយាល័យវិនិយោគ និង ពាណិជ្ជកម្ម នៃកោះ FIJI បានរកឃើញថា OITC គ្មានទាំងអាស័យដ្ឋាន និង ករិយាល័យជាក់លាក់ឡើយ ហើយក៏គ្មាន ព៌តមានសំរាប់ទំនាក់ទំនងដែលគួរអោយជឿជាក់បានដែរ។  

នៅមានរឿងរ៉ាវបោកប្រាស់ជាច្រើនដែលក្រុម Ray C Dam បានធ្វើរួចមកហើយ ប៉ុន្តែពលរដ្ឋខ្មែរជាច្រើន មិនបានដឹង ហើយកំពុងត្រូវបានជននេះបោកប្រាស់ ពីព្រោះតែគ្មានព៌តមានជាភាសាខ្មែរ ដែលពួកគេអាចអានបាន ជាពិសេសមិនបានតាមដាន ឬ ស្រាវជ្រាវ និង ពិចារណាអោយដិតដល់ ។ 

Ray C Dam បានចេញមុខក្នុងបណ្តាញសង្គម Facebook ប្រមែលប្រមូលពលរដ្ឋខ្មែរ កំពុងរស់នៅក្រៅប្រទេសអោយគាំទ្រខ្លួន ក្រោយស្លាក ក្រុមមួយដែលគេដាក់ឈ្មោះថា "ឧត្តមក្រុមប្រឹក្សា ខ្មែរជួយខ្មែរ រំដោះជាតិ និង អង្គការចាត់តាំងមហាអំណាចស្រមោលក្រុម៣០០"។ 

ដើម្បីចូលរួមទប់ស្កាត់ នូវទង្វើបោកប្រាស់ ឆន្ទៈស្មោះត្រង់របស់ពលរដ្ឋខ្មែរចំពោះជាតិ ខ្ញុំ នឹងព្យាយាមបកប្រែ ព៌តមានបោកប្រាស់ របស់ក្រុម Ray C Dam ពីភាសាអង់គ្លេស មកជាភាសាខ្មែរអោយបានច្រើន ដើម្បីជាទុនសំរាប់ពូមីងបងប្អូនយកទៅពិចារណា កុំអោយធ្លាក់ខ្លួនក្នុងអន្ទាក់ ក្រុមបោកប្រាស់ជាន់ខ្ពស់របស់ ហ៊ុន ម៉ាណែត អោយសោះ!   

អោក វ៉េត ៖ អតីតស្ថាបនិក LDP និយាយពីកំណើត LDP យ៉ាងឆ្អែតចិត្ត នឹង ខឹម វាសនា

By Khmer HD

Personal Blog

ដកស្រង់ចេញពីសំណេរ លោក Veth OK

ចាប់ពីចំណុចនេះទៅ ខ្ញុំសូមនិយាយកាត់ខ្លីៗ........... ការជួបគ្នាលើកទីមួយនៅ Parkway យើងបានពិភាក្សារឿងរ៉ាវទូទៅជាច្រើន ជាពិសេសគំរោងការរបស់គាត់ ក្នុងការបង្កើតគណបក្សនយោបាយ។ ក្នុងពេលនោះយើងនិយាយចុះសម្រុងគ្នា ខ្ញុំមានអារម្មណ៍ស្និតស្នាល ជាមួយគាត់។ ខ្ញុំបានគិតជាច្រើនថ្ងៃ ថាត្រូវសំរេចចិត្តយ៉ាងម៉េច? ទីមួយ ស្ដាយអាជីពដែលបានខិតខំជាងម្ភៃឆ្នាំមកហើយនិង ទីពីរ គឺចង់ធ្វើកិច្ចការដ៏ធំធេងមួយសំរាប់មាតុភូមិ និ ងជូនជនរួមជាតិ។ ជាចុងក្រោយខ្ញុំសម្រេចចិត្តចូល រួមធ្វើនយោបាយ ហើយបោះបង់ការយកចិត្តទុកដាក់ ធ្វើការងារក្រសួង និង ឈានដល់ការលាឈប់។ 

យើងស្រុះស្រួលគ្នាបង្កើត គណបក្សសម្ព័ន្ធដើម្បីប្រជាធិបតេយ្យ នេះឡើងដោយផ្តើមដំបូងមានគ្នា5-6 នាក់ប៉ុណ្ណោះ ខ្ញុំចាំបានថា មាន លោក ខឹម វាសនា លោក អុិត សារម្យ (អានលំអិត) អ៊ុំ ពឹងសយ ភរិយាគាត់អ៊ុំស្រី លីឆេងគី និងខ្ញុំ ព្រមទាំងមានអ្នកផ្សេង ខ្លះទៀតដែរ ដូច ជា សុខ ត្រសុំ (អានលំអិត) បង ស្រីពន្លក...........តែពួកគេមិនបានចូលពិភាក្សាលក្ខន្តិកៈ និង កម្មវិធីនយោបាយរបស់បក្សទេ។ 

ខ្ញុំនៅចាំបានថា ពង្រាងឯកសារទាំងនេះ គឺខ្ញុំជាអ្នករៀបចំ បើសិនជាខ្ញុំមិនច្រឡំទេនោះ។ ក្រោយឯកសារមូលដ្ឋានមានហើយអស់ស្នាមមេដៃ លោក ខឹម វាសនា បានរៀបចំស្ទើររួចរាល់ដែរ យើងត្រូវការលុយប្រមាណ 800$ ខ្ញុំបានលើកគំនិតថា យើងគួរចាប់ផ្តើបពន្យល់អ្នកជិតស្និត ពីគំនិតរបស់ពួកយើង និងដើម្បី អោយគេជួយឧបត្ថម្ភ ខ្ញុំប្រមូលបានប្រមាណ 300$ ខ្ញុំនៅចាំថា ពេលជួបពួកម៉ាកខ្ញុំៗ តែងប្រាប់គេថា "អញខ្មាស់ឯងណាស់ និង អញធ្វើមិនកើតទេ បើមកសុំ លុយឯងយកសំរាប់ខ្លួនអញ តែដើម្បីបុព្វហេតុឧត្តមគតិ មួយនេះអញធ្វើដោយពេញចិត្ត" ឯកសារបានបំពេញ ថវិកាសំរាប់ក្រសួងមហាផ្ទៃក៏មាន យើងបានបន្តការងារ រហូតក្រសួងមហាផ្ទៃទទួលស្គាល់ជាផ្លូវការ។ 

ខ្ញុំសូមជំរាបថារាល់ការពិភាក្សាការងារ របស់ពួកយើង គឺធ្វើក្នុងបន្ទប់ដេករបស់លោកវាសនា ព្រោះមានម៉ាស៊ីនត្រជាក់ ក្រោយពីការទទួលស្គាល់របស់ក្រសួងមហាផ្ទៃរួចមក លោក ខឹម វាសនា បានជាប់ឈ្មោះជាប្រធានស្ថាបនិក និង បានស្នើអ៊ុំស្រី លី ឆេងគី ជាអនុ និងខ្ញុំជា អគ្គលេខា និងលោក អុិត សារម្យ ជាសមាជិក ។ 

ក្រោយមកក្នុងនាម អគ្គលេខា ខ្ញុំបានលើកសំណើរៀបចំ រចនាសម្ព័ន្ធបក្សជាដំបូងគឺ សមាជិកអចិន្រ្តៃយ៍ ពេលនោះ លោក ខឹម វាសនា បានលើកសំណើបញ្ចូលលោក សុខ ត្រសុំ (អានលំអិត) លោក ហេង សុវត្ថារ៉ា និងលោក ស៊ុយ សែនសីហៈ ដោយឡែក អ៊ុំ ពឹង សយ គាត់បានធ្វើការយ៉ាងសកម្ម និងបានឧបត្ថម្ភថវិកាជូនគណបក្ស យ៉ាងទៀងទាត់ និង មិនព្រមទទួលយកតួនាទីអ្វីទាំងអស់។ គាត់បានទទួលមរណភាពជាច្រើនឆ្នាំមកហើយ អ៊ុំ ជាមនុស្ស នឹងន ណាស់ មានបញ្ហាតានតឹងក្នុងចិត្ ខ្ញុំតែងសុំយោបល់ពីគាត់ អ៊ុំជាមនុស្សដែលខ្ញុំគោរព និងខ្ញុំចងចាំមិនភ្លេច។ 

ជាបន្តបន្ទាប់ យើងក៏ពង្រីកអោយមានគណៈកម្មាធិការនាយក ពួកគេទាំងនោះបានស្គាល់យើងតៗគ្នា និងអ្នកខ្លះស្គាល់តាមការស្ដាប់វិទ្យុកម្មវិធីអង្គការ TDO មូលហេតុដែលខ្ញុំចងចាំបាន ក៏ព្រោះតែរាល់ពេលប្រជុំ ទាំងអស់ខ្ញុំជាអ្នកកោះអញ្ជើញក្រោយពេលមានការ ឯកភាព ពីលោក ខឹម វាសនា រួច។ ខ្ញុំជាអ្នករៀបចំរបៀបវារៈ ហើយក៏ជាអ្នកធ្វើរបាយការណ៍ប្រជុំដែរ ធ្វើរបៀបនេះរហូតដល់ក្រោយសមាជលើកទីមួយ។ 

មានសំណួរលើកឡើងថា មូលហេតុអ្វីបានជាខ្ញុំសរសេរប្រវត្តិនេះ? ខ្ញុំសូមឆ្លើយយ៉ាងខ្លីថា៖ វាជាកាតព្វកិច្ចទទួលខុសត្រូវរបស់ខ្ញុំ ព្រោះពេលបង្កើតបក្សខ្ញុំបានចូលរួមពន្យល់ពលរដ្ឋ អោយចូលរួម ដូច្នេះដល់ពេលខ្ញុំចេញ ខ្ញុំក៏ត្រូវជំរាបពួកគាត់ ពីមូលហេតុដែលខ្ញុំចេញដែរ។ ចំណែកការសំរេចចិត្តយ៉ាងណា ជាសេរីភាពរបស់ពួកគាត់ទាំងអស់គ្នា។ 

ការសរសេររបស់ខ្ញុំសូមបញ្ចប់ដោយសង្ខបចុះ បើបងប្អូនមានចំងល់ចង់អោយខ្ញុំបញ្ជាក់រឿងអ្វីទៀត ខ្ញុំពេញចិត្តនឹងបញ្ជាក់ជូនតាមអ្វីដែលខ្ញុំនៅចងចាំ។ ជាថ្មីម្តងទៀតខ្ញុំសូមស្បថថា បើខ្ញុំមានចេតនា មួល បង្កាច់ឬ លាបព៌ណ ដូចក្រុមរបស់លោក ខឹម វាសនា ចោទខ្ញុំមែន សូមអោយរន្ទះបាញ់ឬឡានបុកស្លាប់ទៅចុះ។ ខ្ញុំមិនឆ្លើយឆ្លង នឹងសំណេរដែលប្រើភាសាប្រមាថ ថោកទាបនោះឡើយ តែបើប្អូននៅមានចំងល់ ឬមើលឃើញអ្វីដែលខ្ញុំសរសេរមានខ្វះចន្លោះ ឬជ្រុលហួស អាចសួរដេញដោលបាន ខ្ញុំយល់ថា អ្នកដែលខ្ញុំសរសេរពាក់ព័ន្ធទាំងនោះ គឺនៅមានជីវិតនៅឡើយ លើកលែងតែអ៊ុំប្រុស ពឹងសយ ។ 

សូមជូនពរអ្នកទាំងអស់។

អោក វ៉េត ៖ ខឹម វាសនា ជាមនុស្សដែលចូលចិត្តប្រមាថមើលងាយគេ

By Khmer HD

Personal Blog 

ដកស្រង់ចេញពីសំណេរ របស់ លោក អោក វ៉េត(អានបន្ថែម)

លោក ខឹម វាសនា ជាមនុស្សដែលចូលចិត្តប្រមាថមើលងាយគេ ត្រង់ចំណុចនេះ ខ្ញុំមិនបាច់សរសេររ៉ាយរ៉ាប់ទេ បងប្អូនកត់សំគាល់ខ្លួនឯងទៅ។ ឧ. ពេលគាត់ពន្យល់គេៗមិនយល់ គឺគាត់មិនដែលពិនិត្យមើលចំណុចខ្វះខាតខ្លួនឯងវិញទេ គឺ មានតែបន្ទោស ត្មិះតិដៀល ខុសពីការដែលគាត់ និយាយរឿយៗថាធ្វើដើម្បីជួយ.... ??????

តើខ្ញុំស្គាល់លោក ខឹម វាសនា ដោយរបៀបណា? ខ្ញុំចាំថា ថ្ងៃមួយក្នុងចុងឆ្នាំ 2005 ខ្ញុំបានមើលទូរទស្សន៍ ទទក គេប្រជុំសភាពីសន្ធិសញ្ញាព្រំដែន មានការជជែកគ្នាយ៉ាងក្តៅគគុក រួចមកតំណាងរាស្រ្តគណបក្ស សម រង្សីបានដើរចេញពីរដ្ឋសភាទាំងអស់ លើកលែងតែ ឯកឧត្តម ខឹម វាសនា នៅទីនោះនឹងមានឱកាសបានបញ្ចេញយោបល់។ 

សូមរំលឹកថា ពេលនោះលោក កឹម សុខា ដែលនៅជាប្រធាន NGO និង លោក ម៉ម សូណង់ដូ ត្រូវបានរដ្ឋាភិបាលឃុំខ្លួន។ ឯ.ឧ ខឹម វាសនា បានបញ្ចេញមតិលើកដាក់យ៉ាងប៉ិនប្រសប់ ធ្វើអោយបរិយាកាសតានតឹងទៅជាធូស្រាល ហើយពាក្យមួយឃ្លា ដែលធ្វើអោយខ្ញុំចាប់អារម្មណ៍ និង ចងចាំដែលគាត់និយាយចង់អោយ សម្តេចហ៊ុន សែន ដោះលែង លោកកឹម សុខា និង ម៉ម សូណង់ដូ។ 

ឃ្លានេះអាចមិនដូចពាក្យដើមទាំងស្រុង ប៉ុន្តែមានន័យប្រហាក់ប្រហែល ៖

" សម្ដេច មនុស្សដែលគ្នាមិនដឹង ធ្វើកំហុស សម្តេចគួរតែលើកលែង ប៉ុន្តែមនុស្សដែលដឹងហើយនៅតែធ្វើខុសទៀតនោះ សម្តេច រិតតែត្រូវលើកលែង " សំរាប់រូបខ្ញុំ ឃ្លានេះបានបង្កប់ អត្ថន័យដ៏ជ្រាលជ្រៅ។ ចំណែករឿងគាត់បោះឆ្នោតគាំទ្រសន្ធិសញ្ញាព្រំដែន ខ្ញុំមិនបានយកចិត្ត ទុកដាក់ប៉ុន្មានទេ ព្រោះខ្ញុំយល់ថា បើគាត់មិនបោះសម្លេងគណបក្សពីរផ្សេងទៀត វាគ្រប់គ្រាន់ណាស់ទៅហើយ។ បន្ទាប់មកខ្ញុំបានធ្វើទំនាក់ទំនងដើម្បីស្គាល់ និងពិភាក្សាពីការងារស្រុកទេសផង។ 

យើងជួបគ្នាជាលើកទីមួយ នៅ cafe Parkway ម៉ៅសេទុង មានខ្ញុំ គាត់ (ខឹម វាសនា) និង អ៊ិត សារម្យ ។ ពេលនោះខ្ញុំនៅជាប្រធាននាយកដ្ឋានអឺរ៉ុប ក្រសួងការបរទេស នៅឡើយ មិនទាន់ឈប់ទេ។ 

អោក វ៉ែត៖ ខឹម វាសនា ជាមនុស្សមិនទទួលខុសត្រូវ

By Khmer HD 

Personal Blog

ដកស្រង់ចេញពីសំណេរផ្ទាល់ របស់លោក អោក វ៉េត(Read More)

ការទទួលខុសត្រូវ ជាលក្ខណៈសម្បត្តិមូលដ្ឋានមួយរបស់មនុស្ស មិនចាំបាច់ជាប្រមុខក្រុមឡើយ ប៉ុន្តែ លោក ខឹម វាសនា អត់មានទេ ជាក់ស្តែងនៅក្នុងប្រជុំអចិន្ត្រៃយថ្ងៃមួយក្រោយដក អុិត សារម្យ(អានបន្ថែម) រួច គាត់បាននិយាយថា លក្ខន្តិកៈបក្សដែលសមាជបានអនុម័តរួច ហើយនោះ គាត់មិនបានអានទេ គាត់ទុកចិត្តគ្នាយើងហើយ មិនគួរគេសរសេរផ្តេសផ្តាស់ចឹងសោះ ខ្ញុំហួសចិត្តណាស់ ព្រោះ លក្ខន្តិកៈ នេះបានពិភាក្សា ឯកភាពក្នុងអចិន្រ្តៃយរួចឆ្លងគណៈកម្មាធិការនាយក តំណាងខេត្ត និង អង្គសមាជ បានអនុម័តទៀត បែជាប្រធានអត់បានដឹង..ហាហាហា......

តើគួរអោយអស់សំណើចទេ ??? ខឹម វាសនា ជាមនុស្សដែលចូលចិត្តអោយគេសរសើរណាស់ អញធំណាស់ ចឹងហើយ បានជាគាត់ចាញ់បោក យុវជនម្នាក់រហូតដល់បាត់មាត់ឈឹង។ យុវជន ឈ្មោះ ចំរើន មកបោកគាត់ថាជានិស្សិតពេទ្យ រៀនពូកែ នៅសឹង្ហបូរី និងជាកូនធ៌ម លោក លី ក្វាន់យូ អតីតប្រធានាធិបតីសឹង្ហបូរី តាមរយៈចំរើន លី ក្វាន់យូ ចង់ជួយ ldp និងចង់ជួបស្នាក់នៅជាមួយ ខឹម វាសនា នៅស្នាក់ការគណបក្ស និង អោយខឹម វាសនា ចូលសញ្ជាតិសឹង្ហបូរីទៀត បើ ខឹម វាសនា យល់ព្រម....(...មានរឿងច្រើនទៀតតែសុំសង្ខេបខ្លីៗ)

លោក ខឹម វាសនា ត្រេកអរណាស់ ប្រជុំក្នុងអចិន្រ្តៃយ៍ និងនិយាយប្រាប់គេឯងពីបញ្ហានេះ ខ្ញុំមិនសូវលូកមាត់ច្រើនទេ គ្រាន់តែប្រាប់គាត់ថាកុំនិយាយទៅក្រៅខ្ញុំគិតថា គាត់កំពុងតែយល់សប្តិជ្រៅណាស់ បើខ្ញុំនិយាយអី ក៏គាត់មិនជឿដែរ ថែមទាំងអាចចោទខ្ញុំជាអ្នករាំងស្ទះ ទំនាក់ទំនងល្អរបស់គាត់ផង។ ក្រោយមករឿងនេះគឺ មេបក្សដ៏ពូកែគ្មានពីរបានចាញ់បោក យុវជនឈ្មោះ ចំរើន នោះ មិនហ៊ានចេញស្តីមួយម៉ាត់ ហើយមិនបាននិយាយពាក្យសុំទោស ឬសោកស្ដាយមួយម៉ាត់ប្រាប់អចិន្រ្តៃយ៍ផង។ 

លោក ខឹម វាសនា ជាមនុស្សឆេវ ឆាវខ្លាំងណាស់ មិនបាច់ខ្ញុំនិយាយច្រើនទេលើចំណុចនេះ។ កូនក្មេងម្នាក់ក៏ អាចធ្វើអោយគាត់ឈ្លោះប្រកែកបានដែរ ជេរ ដៀលគេ មិនរើសមុខ...............

ប៉ុន្តែអ្វីដែលសំខាន់ គឺគាត់ពូកែសម្តែងណាស់ មនោសញ្ចេតនា ជ្រាលជ្រៅ ប៉ុន្តែលាក់មិនជិតទេបើបងប្អូនតាមដានសកម្មភាពរបស់គាត់ និងពាក្យសម្តីអោយបានយូរបន្តិចបងប្អូន នឹងបានដឹង បងប្អូនមិនឆ្ងល់ទេឬ? រឿងអីបានជាបាត់មនុស្សដែលគាត់ផ្ទាល់ធ្លាប់សរសើរថាល្អៗៗៗ នោះអស់ទៅណា? អ្នកស្ថាបនិក គណបក្សពីដើមៗមកបាត់ទៅណា???

ពួកគេទាំងនោះក្បត់ ល្ងង់ ឬក៏សម្រាម ????? ខ្ញុំសូមរំលឹកឈ្មោះខ្លះៗ បង កឹម ពេជ្រ បង ឈុន សៀមរាបគន្ធា សៀមរាប សាន្ត អូស្រ្តាលី មីង ផាន់ណា អ្នកលឿង លីម បាត់ដំបង សុវត្ថារ៉ា ។ គាត់ (ខឹម វាសនា) ជាមនុស្ស មានល្បិចខ្ពស់ណាស់ និងគ្មាន មនោសញ្ចេតនាអីទេ សរសើរ និងធ្វើជាស្និតស្នាលណាស់ ជាមួយអ្នកថ្មី តែទាត់ចោលអ្នកចាស់ដែលដឹងរឿងគាត់ច្រើន។ ហត់ហើយៗ..............

សូមផ្អាកត្រឹមនេះសិនចុះ និងបន្តក្រោយទៀត

មានបងប្អូនខ្លះឆ្ងល់ថា ម៉េចបានខ្ញុំសរសេររឿងនេះ ????

ខ្ញុំនឹងឆ្លើយនៅពេលក្រោយ ..................

មូលហេតុដកតំណែង អ្នកស្រី ប៉ាង វ៉ាន់ថោន ពីអគ្គលេខាធិការរង LDP

By Khmer HD

Personal Blog

ដកស្រង់ទាំងស្រុងចេញពីសំណេរ លោក អោក វ៉េត (read more)

ករណីដកអ្នកស្រី ប៉ាង វ៉ាន់ថោន ពីអគ្គលេខាធិការរង LDP មួយរយៈធំក្រោយពេលដក អុិត សារម្យ(read more) ពីអនុប្រធាន រួចក៏មានការបញ្ចូល សមាជិកអចិន្រ្តៃយ៍ថ្មីៗសុទ្ធតែជាមនុស្សដើរតាមហែរហម លោក ខឹម វាសនា ទាំងអស់ ខ្ញុំគ្មានជំទាស់អ្វីទេ ព្រោះបានគិតថា នឹងដកខ្លួនជាបណ្តើរៗ។ 

ក្នុងថ្ងៃប្រជុំអចិន្ត្រៃយ៍ ម្តងនោះ ( ពុំមានវត្ត អ្នកស្រី ប៉ាង វ៉ាន់ថោន ទេ ) លោក ខឹម វាសនា បានស្នើដកអ្នកស្រី ប៉ាង វ៉ាន់ថោន ចេញពីអចិន្រ្តៃយ៍ និងអគ្គលេខាធិការរង ដោយហេតុផលថា ប៉ាង វ៉ាន់ថោនតែងតែប្រឆាំងនឹងគាត់ អ្វីដែលហួសហេតុនោះ គឺ លោក ខឹម វាសនា បានហៅ ប៉ាង វ៉ាន់ថោន សុទ្ទតែមីនេះ មីនោះ រហូតដល់ ដៀលពូជ ប៉ាង វ៉ាន់ថោន ទៀត នៅក្នុងអង្គប្រជុំអចិន្រ្តៃយ៍ផ្សេងទៀតក្នុងនោះក៏មាន នារីម្នាក់ដែរ គឺ អ្នកស្រី ម៉េង វរលក្ខ ពេលនោះដោយឃើញអកប្បកិរិយាមិនប្រក្រតី ចារិកដូចមនុស្សគ្មានការអប់រំ ខ្ញុំក៏បានឃាត់ និង សុំអោយលោក ខឹម វាសនា ប្រើពាក្យសម្តីអោយបានសមរម្យ ក្នុងអង្គប្រជុំ។ 

មូលហេតុចំបង ដែលដក ប៉ាង វ៉ាន់ថោន បើ តាមខ្ញុំដឹងគឺ ប៉ាង វ៉ាន់ថោន ចង់អោយធ្វើបញ្ជី ចំណូល ចំណាយរបស់បក្ស អោយបានត្រឹមត្រូវ ដែលធ្វើអោយប៉ះពាល់ លោក ខឹម វាសនា យ៉ាងខ្លាំង។ ដោយរួមនឹងហេតុការ និងព៌តមានផ្សេងៗទៀតដែលទទួលបាន ព្រមទាំងការសង្កេតរបស់ខ្ញុំផ្ទាល់ ខ្ញុំចាប់ផ្តើមស្គាល់ អត្តចារិកលោក ខឹម វាសនា កាន់តែច្បាស់ និង រកឱកាសដកខ្លួនពីលោក ខឹម វាសនា តែមិនចង់អោយ ប៉ះពាល់ដល់ ldpឡើយ។ 

ពេលមួយក្នុងអង្គប្រជុំអចិន្រ្តៃយ៍ ខ្ញុំបានសុំលាលែង ពីអគ្គលេខាធិការ លោក ខឹម វាសនា សួរខ្ញុំថាពេលខ្ញុំលាឈប់ថាគួរអោយអ្នកណាជំនួស ខ្ញុំស្នើអោយ លោក កូវ គា តែ កូវ គា អត់ព្រម ដូច្នេះខ្ញុំក៏ជូនយោបល់ ស្នើលោក ហ៊ុន ទិត្យា ហៅភ្នែកតូចកាន់នាទីជា អគ្គលេខា ខ្ញុំនៅជាសមាជិកអចិន្រ្តៃយ៍។ ខ្ញុំកាន់តែនឿយណាយ នឹងបាត់បង់ជំនឿបន្តិចម្ដងៗ លើលោក ខឹម វាសនា តែមិនទាន់អស់សង្ឃឹមទាំងស្រុងនៅឡើយ។ 

ថ្ងៃមួយក្រោយពេលប្រជុំគណៈកម្មាធិការនាយក (ជាថ្ងៃចុងក្រោយដែលខ្ញុំចូលរួមប្រជុំក្នុងldp) ខ្ញុំ បានជួបខឹម វាសនា ក្នុងបន្ទប់ដេករបស់គាត់ ពិភាក្សាពី ចរន្តនយោបាយថ្មីរបស់ក្រុមបញ្ញាវន្ត យ៉ង់ សាំងកុមារ កែម ឡី និង ចង់អោយគាត់ជួបពិភាក្សាគ្នា តែ ខឹម វាសនា ជំទាស់ដាច់អហង្កា ខ្ញុំក៏បានប្រាប់គាត់ថា ខ្ញុំនឹង ទៅជួបពួកគេ ព្រោះយើងត្រូវការមនុស្សដែលមាន សមត្ថភាព ជួយចូលរួមកសាងប្រទេស ពេលនោះ គាត់បានយល់ព្រម ហើយបាននិយាយបើមានព៌តមាន អ្វីជួយប្រាប់គាត់ផង។ 

សូមសង្ខេបត្រឹមនេះ និងនៅមានបន្តទៀតលើកក្រោយ...............