សុខ ត្រសុំ អតីតសមាជិកអគ្គណកម្មការអចិន្ត្រៃ LDP

By Khmer HD

Personal Blog

1. លោក សុខ ត្រសុំ ជាមនុស្សម្នាក់ដែលស្គាល់ លោក ខឹម វាសនា ក្នុងពេលដែលលោកវាសនាធ្វើជា អ្នករត់ការបំពេញបែបបទ អោយពលរដ្ឋខ្មែរទៅរស់នៅបរទេស និង ជាតំណាងរាស្រ្តគណបក្ស សម រង្សី ។ អ្នកទាំងពីរ រស់នៅជាមួយគ្នា ស្គាល់គ្នាទៅវិញ ទៅមក  សុខ ត្រសុំ  ជួយការងាររកស៊ីផ្សេងៗដល់ លោក ខឹម វាសនា ជាពិសេស ការរត់ការទិញដី ដូច្នេះ រឿងរ៉ាវទាក់ទងលុយកាក់ទាំងប៉ុន្មាន លោក សុខ ត្រសុំ ដឹងស្ទើរទាំងអស់។ 

លោក  សុខ ត្រសុំ  ត្រូវបាន លោក ខឹម វាសនា ស្នើ ចូលអចិន្រ្តៃយ៍ នៅពេលរៀបចំរចនាសម្ព័ន្ធជាលើកដំបូង។ ក្រោយសមាជលើកទី1រួច លោក ខឹម វាសនា បានបដិសេធ សមាសភាព  សុខ ត្រសុំ  ពីអចិន្រ្តៃយ៍ថ្មី ដែលផ្ទុយពីការឯកភាព របស់ពួកយើងមុនពេលសមាជ ដោយលើកពីមូលហេតុយ៉ាងច្រើន សរុបគឺការមិនស្មោះត្រង់ កំហុសខ្លះមានតាំងពីយូរយារណាស់មកហើយ........។ 

ពេលនោះយើងបានពិភាក្សាគ្នាយ៉ាងយូរ ហើយខ្ញុំឯកភាព ដោយនឹកគិតថា ប្រហែលលោក ខឹម វាសនា ធ្វើសំណើដោយកំហឹង រងចាំបាត់ខឹង ខ្ញុំនឹងបញ្ចុះបញ្ចូលគ្នាវិញ ទន្ទឹម នោះខ្ញុំក៏បានឃាត់  សុខ ត្រសុំ សូមអោយនៅស្ងៀមសិន។